Спачатку падлетка падманулі пад выглядам замены дамафона, а потым запалохалі, прадставіўшыся супрацоўнікамі БелДІЭ і КДБ.
«Васьмікласнік паверыў і знайшоў дома 4,6 тысячы долараў і каля 6 тысяч рублёў. Усе грошы ён на вуліцы перадаў незнаёмцу, якога лічыў кур’ерам Нацыянальнага банка», — паведамілі ў міліцыі.
На гэтым ашуканцы не спыніліся: яны зноў патэлефанавалі школьніку і папрасілі даць слухаўку бацькам. Бацьку хлопца прасілі не звяртацца ў міліцыю, аднак мужчына не паверыў і патэлефанаваў па нумары 102.
Супрацоўнікі крымінальнага вышуку аператыўна ўстанавілі і затрымалі кур’ера. Пры ім былі знойдзены і канфіскаваны грошы сям’і падманутага школьніка.
19‑гадовы мінчук таксама быў падмануты па схеме замены дамафона і паспеў забраць грошы яшчэ ў двух мужчын. Пасля гэтага ён адвёз іх у Оршу і перадаў яшчэ аднаму кур’еру.
Цяпер чытаюць
Ціханоўскі адказаў Ціханоўскай: Чамусьці не згадваецца, што рэабілітацыя сына адбывалася ў кватэрах і дамах, якія я купіў97
Каментары