У выдавецтве «Беларуская навука» ў межах працы Інстытута мастацтвазнаўства, этнаграфіі і фальклёру імя Кандрата Крапівы НАН Беларусі выйшла калектыўная манаграфія «Стараверы Беларускага Паазер’я: гісторыя і культура», піша bellit.info.
Ладная частка амаль 500‑старонкавага выдання напісаная Уладзімірам Аўсейчыкам, знаўцам пахавальных і памінальных практык беларускага Падзвіння і ваколіц, які ўжо працяглы час займаецца вывучэннем стараверскай культуры.
Сярод аўтараў кнігі таксама даследчыцы Таццяна Валодзіна, Вольга Лабачэўская, Вольга Афанасьева, Святлана Лявонцьева, якія напісалі раздзелы пра замоўную традыцыю, народны тэкстыль, абразы і кніжную культуру.
Выданне мае багаты ілюстратыўны матэрыял, дзе апрача звыклых архіўных і экспедыцыйных фатаграфій, шырока выкарыстаны сямейныя фота саміх старавераў, у тым ліку ў раздзеле, прысвечаным пахаванням, апублікавана каля двух дзясяткаў пахавальных здымкаў.
Кнігу ўжо можна набыць у «Акадэмічнай кнізе» ў Мінску.
Цяпер чытаюць
Мінскія ўлады расказалі, як будуць змагацца з «акіянам аўтамабіляў» у дварах2
Каментары