Пасля атакі БПЛА зноў перакрылі Чангарскі мост: рух у бок Крыма заблакаваны
Зноў перацяты рух праз Чангарскі мост паміж акупаванымі тэрыторыямі Херсоншчыны і Крымскім паўвостравам. Прычынай чарговага спынення руху сталі начныя ўдары ўкраінскіх беспілотнікаў.
Акупацыйны кіраўнік Херсонскай вобласці Уладзімір Сальда пацвердзіў, што ў выніку прылётаў на мосце зафіксаваны новыя пашкоджанні.
Паводле Сальда, расійскія сілы СПА збілі больш за 20 украінскіх БПЛА на падлёце, тым не менш, пашкоджанняў пазбегнуць не ўдалося.
Увесь паток транспарту цяпер накіроўваюць па маршрутах праз Армянск і Перакоп.
Гэта ўжо другая сур'ёзная атака на мост на гэтым тыдні. 7 чэрвеня Узброеныя сілы Украіны ўжо наносілі ўдар па мосце ў раёне Чангара. Тады рух транспарту праз пункт пропуску «Джанкой» таксама быў цалкам заблакаваны.
Сістэматычныя атакі на Чангарскі мост паказваюць, што ўкраінскія сілы трымаюць пад агнявым кантролем ключавы лагістычны вузел.
Цяпер чытаюць
Наталля Калегава расказала пра дапамогу беларускім уцекачам, сваю сям’ю, стаўленне да Ціханоўскай. І патлумачыла, хто такія «бабры» і «зайцы»33
Каментары