Прапагандыст Баравік да Дня Расіі напісаў надзвычай бяздарны верш з яе праслаўленнем
Перад Днём Расіі, які ў суседняй краіне адзначаецца 12 чэрвеня, вядомы палітолаг-прапагандыст Вадзім Баравік трапіў на прыём да расійскага пасла ў Беларусі Барыса Грызлова і прынёс яму ў падарунак вернападданніцкі верш уласнага вырабу.
Узровень верша з пункту гледжання нават тэхнічнага выканання не вытрымлівае ніякай крытыкі, бо ў ім і нязграбныя рыфмы, і неапраўданыя пераскокі вершаваных памераў. Дзіўным выглядае і ідэйнае напаўненне, бо Баравік піша свой твор ад імя «афіцэраў», хоць яго афіцыйныя біяграфіі фактаў службы ў сілавых структурах не ўтрымліваюць.
Пры гэтым падпісаў свой твор Баравік як «лаўрэат Нацыянальнай літаратурнай прэміі», якую ён сапраўды атрымаў у мінулым годзе ў намінацыі «Найлепшы дэбют» за зборнік вершаў «Иду по Минску». Такое ўганараванне як нішто іншае выразна сведчыць пра творчы ўзровень сучаснай праўладнай літаратуры.
Каментары
дзень выдаўся надзвычай неўрадлівы.
Ажно раптоўна бачыць - баравік!
Дарэмна радаваўся - грыб унутры чарвівы.
Вочы працёр - адценні "аквафрэш".
- Да ну цябе, рашысцкая паганка!
Знойдзеш такі - з грыбніцай вырві прэч
і выкінь далей ад Радзімы ганка.
(са зборніка "І дупа Мінску")