У Курасоўшчыне за месца ў Мінгарсавет б’юцца тэлеперсанажы — сталініст і прарасійскі палітолаг. Вы за каго?
Выбары ў мясцовыя саветы дэпутатаў застаюцца па-за ўвагай грамадства. Зрэшты, і ахвотных балатавацца няшмат. Грошы за такую працу не плацяць, таму мала хто хоча атрымліваць дадатковую нагрузку.
У такой атмасферы са спісам кандыдатаў могуць здарацца розныя метамарфозы. У выніку на выбарах у Мінгарсавет па Курасоўшчынскай акрузе №17 сышліся Мікалай Валовіч і Вадзім Баравік. Чым яны адметныя?
Мікалай Валовіч — 38-гадовы сталініст. Ён сябра Камуністычнай партыі. А паколькі колішні кіраўнік партыі Ігар Карпенка быў міністрам адукацыі, то запхнуў маладых актывістаў у Галоўны інфармацыйна-аналітычны цэнтр Міністэрства адукацыі. Там знайшоў цёплае месца прапагандыст Андрэй Лазуткін, там працуе і Валовіч — спецыялістам аддзела інфармацыйна-аналітычнага забеспячэння.
Апроч таго, піша калонкі ў адыёзную «Мінскую праўду»
Чым яшчэ запомніўся Валовіч? Ён сапраўды сталініст, адмаўляе палітычныя рэпрэсіі ў 1930-ыя. «Якія палітычныя матывы ў тым, што асудзілі грамадзян, якія здраджвалі дзяржаве, наносілі ёй шкоду? Хіба гэта рэпрэсіі? Не трэба падвойных стандартаў у дачыненні да савецкай дзяржавы», — перакананы Валовіч. Адмаўляць відавочнае — небяспечная рэч. У 2020-м камуніста збілі суседзі — бо ён цынічна заявіў, што не бачыць у дзеяннях АМАПа празмернай жорсткасці.
«Сказаў, што ў дзеяннях АМАПа не было жорсткасці — і атрымаў у вока»: сталініст сцвярджае, што яго пабілі за падтрымку Лукашэнкі
45-гадовы Вадзім Баравік быў на выбарах-2020 даверанай асобай Аляксандра Лукашэнкі. Яго афіцыйная праца — дырэктар «Гарадскога цэнтра перакладаў». Але найбольш раскруціўся Баравік як тэлеэксперт па любой тэме.
Калі коратка апісаць яго амплуа, то гэта Гайдукевіч на мінімалках. Такі ж істэрычны, такі ж самаўпэўнены, такі ж генератар каментароў па любой тэме — нават інтанацыі падобныя! — але харызмы ўсё ж паменей. На БТ яго прэзентуюць як «беларускага Жырыноўскага».
У сваіх пазіцыях Баравік абірае прарасійскія пазіцыі. Магчыма, проста таму, што гэта выгадна ў цяперашняй кан’юнктуры.
Тэлеперсанаж Вадзім Баравік прапанаваў дадаваць нявінніцам балаў на ЦТ
Будзе смешна, калі дэпутатам па Курасоўшчынскай акрузе прызначаць трэцюю кандыдатку, дырэктарку Мінскага гарадскога цэнтра алімпійскага рэзерву Таццяну Жылко.
Цяпер чытаюць
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2323
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі23
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары