Дзень Расіі: гараць НПЗ у Ніжнякамску, завод каўчуку ў Тальяці і аб'ект у Сімферопалі
У ноч на 12 чэрвеня анексаваны Крым і рэгіёны Расіі былі атакаваныя ўдарнымі ўкраінскімі беспілотнікамі, у выніку чаго ўзніклі пажары на ЦЭЦ і хімічных прадпрыемствах.
У Сімферопалі пасля масіраванай атакі БПЛА ўспыхнуў пажар у раёне мясцовай ЦЭЦ. У горадзе зафіксаваны перабоі з электразабеспячэннем.
Моцныя выбухі таксама чуліся ў Сімферопальскім раёне (у прыватнасці ў вёсках Данское і Мар’іна), а таксама ў Ніжнягорскім і Чырванагвардзейскім раёнах паўвострава. Акрамя таго, паведамлялася пра працу супрацьпаветранай абароны і выбухі ў раёне вайсковага аэрадрома «Сакі», піша «Украінская праўда».
Паралельна пад удар беспілотнікаў трапіла прамысловая зона горада Тальяці Самарскай вобласці РФ. Там пасля серыі выбухаў узніклі пажары на тэрыторыі завода «Тальяцікаўчук», а над прадпрыемствам падняўся густы чорны дым.
Гэты хімзавод з’яўляецца стратэгічным аб’ектам, бо вырабляе сінтэтычны каўчук для шынавай прамысловасці, гуматэхнічныя вырабы і высокаактанавыя паліўныя дабаўкі для вайсковай тэхнікі.
Таксама ў ноч беспілотнікі атакавалі нафтаперапрацоўчы завод «Ніжнякамскнафтахім» у Рэспубліцы Татарстан. Завод выпускае больш за 120 відаў прадукцыі. Асноўным відам прадукцыі прадпрыемства з’яўляюцца сінтэтычныя каўчукі і пластыкі.
12 чэрвеня ў Расіі адзначаюць нацыянальнае свята — Дзень Расіі.
Цяпер чытаюць
З псіхбальніцы збег былы начальнік Ганцавіцкай міліцыі14
Каментары