У выніку двух моцных землятрусаў, якія адбыліся ў сераду ў Венесуэле, загінулі як мінімум 1430 чалавек, паведаміў старшыня Нацыянальнай асамблеі краіны Хорхе Радрыгес. 3 360 чалавек атрымалі раненні, піша Бі-бі-сі.
Паводле ацэнак ААН, больш за 50 тысяч чалавек дагэтуль лічацца зніклымі без вестак.
Радрыгес назваў землятрусы «самай катастрафічнай падзеяй, якую перажыла Венесуэла за апошнія 123 гады». Паводле яго слоў, зараз у часовых прытулках знаходзяцца 3142 сем’і.
Ён удакладніў, што пасля двух землятрусаў у сераду адбылося 430 паўторных падземных штуршкоў.
Радрыгес заклікаў людзей заставацца дома і пазбягаць паездак у штат Ла-Гуайра — найбольш пацярпелы рэгіён, які, паводле яго слоў, перажыў «велізарныя разбурэнні».
Паводле паведамленняў медыкаў, бальніцы працуюць на мяжы сваіх магчымасцяў.
Дактары расказалі Бі-бі-сі, што яшчэ да землятрусу сістэма аховы здароўя Венесуэлы адчувала востры дэфіцыт лекаў і медыцынскіх матэрыялаў.
У пятніцу в.а. прэзідэнта краіны Дэльсі Радрыгес распарадзілася перадаць кантроль над штатам Ла-Гуайра пад кіраванне вайскоўцаў для каардынацыі выратавальных работ.
ААН паведаміла, што да пошукава-выратавальнай аперацыі ўжо прыцягнутыя больш за тысячу міжнародных спецыялістаў, у тым ліку атрады кінолагаў з пошукавымі сабакамі.
Заступнік генеральнага сакратара ААН па гуманітарных пытаннях і каардынатар надзвычайнай дапамогі Том Флетчэр сказаў у радыёэфіры Бі-бі-сі: «Я хачу, каб людзі ў Венесуэле ведалі: дапамога ўжо ў дарозе».
-
«Цяпер мы ядзім усяго раз на дзень». Чаму сірыйцы становяцца ўсё бяднейшымі пасля падзення рэжыму Башара Асада
-
ФБР абвінаваціла Паўночную Карэю ў крадзяжы больш як 6 мільярдаў даляраў з Binance
-
Бацькі з Крэмніевай даліны плацяць па $60 тысяч за школы без гаджэтаў. Чаму яны не хочуць для сваіх дзяцей тэхналогій, якія самі ствараюць?
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх16
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1515
Каментары