Ад анамальнай спёкі ў Еўропе за тыдзень загінулі больш за 1300 чалавек
Больш за 1300 чалавек загінулі ў Еўропе з-за экстрэмальнай спёкі з 21 чэрвеня. Пра гэта паведаміў гендырэктар Сусветнай арганізацыі аховы здароўя Тэдрас Гебрэесус.
Еўропа, адзначыў ён, з’яўляецца самым хутка награваючымся кантынентам, дзе тэмпература расце ўдвая хутчэй за сярэднесусветныя паказчыкі. Цяпер каля 150 млн чалавек жывуць ва ўмовах экстрэмальнай спёкі, закрываюцца школы, а энергасістэмы адчуваюць павышаную нагрузку.
«Цеплавы стрэс часта называюць «ціхім забойцам», і еўрапейскія дамы, працоўныя месцы і школы не разлічаны на такія тэмпературы», — дадаў ён.
Паводле Reuters, прычынай экстрэмальна высокіх тэмператур стаў так званы амега-блок — атмасферная з’ява, пры якой гарачае паветра надоўга затрымліваецца над рэгіёнам.
Спёка павінна адступіць у другой палове тыдня.
У Беларусі таксама трымаецца моцная спёка, учора ў Брэсце было +37,6, што ёсць абсалютным рэкордам чэрвеня за 145 гадоў метэаназіранняў.
Цяпер чытаюць
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі19
Работнікам Цэнтра алімпійскай падрыхтоўкі па фрыстайле забаранілі ісці на пахаванне Мікалая Казекі
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1515
Каментары