Прапагандыстка Сіманьян заклікала расіян супакоіцца наконт дэфіцыту бензіну і нагадала, што ёсць яшчэ прадуктовыя карткі
Галоўная рэдактарка RT Маргарыта Сіманьян у эфіры праграмы Уладзіміра Салаўёва заклікала жыхароў Расіі спакайней ставіцца да паліўнага крызісу, адзначыўшы, што расіяне ўжо перажывалі больш складаныя часы, піша The Insider.
«Бензіну няма? Ну, я яшчэ памятаю, маё пакаленне памятае, як ежа наогул была па картках. Вы не памятаеце, ці што? У маім горадзе, у Краснадары, у 1992 годзе былі купоны. Мы іх выразалі, хадзілі. А я асабіста хадзіла з вёдрамі ва ўзросце 11—12 гадоў і яшчэ раней — па ваду. Не па кока-колу, не па штосьці, а па ваду, таму што вады не было», — заявіла яна.
Сіманьян распавяла, што праціўнікі Расіі дабіваюцца, каб расіяне «пабеглі, як у 1917 годзе, звяргаць цара-бацюшку», аднак зараз, на яе думку, сітуацыя іншая, і народ усё вытрымае.
«Заклікаю ўсіх: паспакайней, паспакайней. Так, цяжка, так, вельмі цяжка, але паспакайней», — дадала яна.
Паводле падлікаў The Insider, на канец чэрвеня нястача паліва фіксавалася ў 88 з 89 падкантрольных Расіі рэгіёнаў.
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
Для скрэпаносных Расеі, жыць з прыбіральней (туалетам) у хаце, у цяпле, бяз голаду і галечы, з прыбыткам і заможна, - дыскамфортна, няскрэпаносна і няўтульна, нязручна...
Таму, яна, мае рацыю