Авіякампанія Belavia аднаўляе рэйсы з Мінска на тайландскі востраў Пхукет. Першыя пералёты па гэтым маршруце запланаваныя на 21 і 23 кастрычніка, а зваротныя рэйсы з Пхукета пачнуцца 30 кастрычніка.
З 29 кастрычніка рэйсы будуць выконвацца на рэгулярнай аснове два разы на тыдзень. Вылеты з Мінска прадугледжаныя па чацвяргах і нядзелях, а з Пхукета — па пятніцах і панядзелках.
Кошт квітка ў адзін бок пачынаецца ад 1731 рубля, а пералёт туды і назад — ад 3057 рублёў.
Упершыню Belavia адкрыла рэйсы на Пхукет у студзені гэтага года, аднак яны выконваліся прыкладна раз на дзесяць-адзінаццаць дзён. У канцы вясны палёты ў Тайланд, а таксама ў Дананг (В'етнам), былі прыпыненыя праз рэзкі рост кошту авіяцыйнага паліва і яго дэфіцыт на асобных маршрутах.
У кампаніі адзначаюць, што сітуацыя з забеспячэннем палівам паступова паляпшаецца, таму ў зімовым раскладзе зноў з'явяцца рэйсы ў Тайланд. Акрамя Пхукета, з 25 кастрычніка Belavia плануе аднавіць рэгулярныя палёты з Мінска ў Бангкок.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары