Расійскі дрон ганяўся за прадаўцом на вуліцы Херсона і выбухнуў ВІДЭА
Нацыянальная паліцыя апублікавала кадры прыцэльнай атакі расійскага беспілотніка на звычайнага прадаўца ў Херсоне.
На відэа бачна, як дрон, абсталяваны катушкай з оптавалакном, мэтанакіравана пераследуе чалавека. Выкарыстанне оптавалаконнай сувязі забяспечвае аператару высокую якасць выявы без перашкод ад сродкаў РЭБ — гэта азначае, што расійскі вайсковец выразна бачыў і ўсведамляў, што атакуе бяззбройнага мірнага жыхара, які не меў аніякіх прыкмет вайскоўца і проста гандляваў на рынку, піша ваенны аглядальнік Ян Мацвееў.
Мужчына да апошняга змагаўся за жыццё, манеўраваў і бегаў вакол перашкод.
Паводле даных Нацыянальнай паліцыі Украіны, у выніку атакі 52‑гадовы жыхар Мікалаеўскай вобласці выжыў.
Ён атрымаў траўмы ад выбуху, аскепкавыя раны і кантузію, цяпер медыкі аказваюць яму неабходную дапамогу.
Праваахоўныя жа органы Украіны дакументуюць чарговае ваеннае злачынства РФ супраць цывільнага насельніцтва.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў8
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары