Доктар Харытончык, напрыклад, рэкамендуе не ўскладняць сабе жыццё ніткамі і іншымі народнымі сродкамі, а купіць у аптэцы адну рэч.
Доктар прыёмнага аддзялення Рэспубліканскага навукова-практычнага цэнтра дзіцячай хірургіі Васіль Харытончык развянчаў распаўсюджаныя міфы пра наступствы неакуратнага выдалення паразіта, пішуць Мінск-Навіны.
Нішто так не азмрочвае цёплы летні дзень, як выяўлены на целе клешч. Прычым паніку часта выклікае не столькі сам укус, колькі страх перад магчымым заражэннем.
— Нічога страшнага не адбудзецца, калі вы выцягнеце кляшча не зусім правільна. На рызыку распаўсюджвання інфекцыі гэта ніяк не ўплывае, — растлумачыў спецыяліст.
— Ці абавязкова захварэе чалавек, калі клешч быў заражаны?
— Зусім не, — супакоіў доктар. — Нават пры ўкусе заразнага кляшча патагены трапляюць у арганізм далёка не заўсёды. Але калі гэта і адбылося, заражэнне не гарантавана.
Здаваць вынятага кляшча на аналіз таксама не заўсёды мэтазгодна: даследаванні часта даюць падманна станоўчыя вынікі, ды і сам працэс патрабуе часу. Значна больш эфектыўнай з’яўляецца прафілактычная доза антыбіётыка (аднаразовая доза даксіцыкліну 200 мг для дзяцей ад васьмі гадоў). Пры гэтым паддавацца паніцы і спяшацца не трэба: на экстранную прафілактыку ёсць да трох сутак.
— Які спосаб выдалення кляшча найбольш эфектыўны?
Доктар Харытончык рэкамендуе не ўскладняць сабе жыццё ніткамі і іншымі народнымі сродкамі, а набыць у аптэцы або на маркетплейсах прыстасаванне для выдалення кляшчоў.
— Выглядае яно як мініяцюрны двухзубы відэлец з прарэзам. Клешч падчэпліваецца збоку ля самай асновы скуры і акуратна выкручваецца без здушвання брушка. Каштуе капейкі, а вынік заўсёды эфектыўны: зрабіць нешта няправільна проста не атрымаецца, — дадаў ён.
-
Пайшоў у банкруцтва вядомы беларускі вытворца ветэрынарных прэпаратаў
-
На беразе Камсамольскага возера нарэшце завяршаюць 15‑гадовы даўгабуд. Ужо ідзе запіс на закрыты старт продажаў
-
Былы слесар вайсковай часці ў Плешчаніцах ішоў на рэкорд па колькасці судзімасцяў — але знік у першым жа мясным штурме
Цяпер чытаюць
Арыштавалі прадстаўнікоў кампаніі Bayer у Беларусі3
Каментары
обнаружить
1) (сделать видимым) паказаць
2) (выказать) выказаць , павыказваць, выявіць, паказаць
обнаружить свою радость — выказаць (паказаць) сваю радасць
3) (отыскать) знайсці , пазнаходзіць, адшукаць
4) (установить) выявіць
обнаружить пропажу документов — выявіць прапажу дакументаў
----------------------------
я дзясяткі гадоў чытаю беларускія кнігі і СМІ і не памятаю каб "выявіць" недзе было на кожнай старонцы,
як і "іншы" і "цалкам"
Таксама і з пашпартам, з вашага прыкладу. Калі вы яго шукаеце, бегаючы па хаце, забыўшы дзе паклалі, дык знаходзіце, а калі вы палезьлі па яго ў кішэню, каб прад'явіць, бо ўпэўнены, што ён там, а яго ў кішэні няма, дык адпаведна выявіце прапажу пашпарта, а не знойдзеце ягоную адсутнасьць... Уцямна ?
Таксама, шпацыруючы на работу, раптам выявіце (напрыклад) гняздо вароны на дрэве ў парку, а вы ж яго там не шукалі, каб знайсьці ?
Кнігі вы чыталі, цудоўна, а жывой, натуральнай гутаркі, падобна, ня чулі, таму й праблемы з арыентацыяй у мове.