У офісе палітыка ад «Альтэрнатывы для Германіі» знайшлі кубак з надпісам «Армія Расіі»
Намеснік кіраўніка «Альтэрнатывы для Германіі» ў зямлі Саксонія-Анхальт Ханс-Томас Цільшнайдэр паспрабаваў праз адваката забараніць публікацыю здымкаў са свайго офіса, дзе журналісты заўважылі кубак з сімволікай расійскага войска. На чорным кубку былі чырвоная зорка і надпіс «Армія Расіі».
«Гэты кубак проста тут стаіць. Я не надаю яму вялікага значэння. Мне яго калісьці падарылі. Годзе ўжо пра гэты дурны кубак», — сказаў Цільшнайдэр у каментары BILD.
Паводле даных BILD, такі кубак прадае расійскі вайсковы брэнд «Армія Расіі», які ўказвае Мінабароны РФ сярод афіцыйных партнёраў. Пры гэтым Цільшнайдэр адмаўляе, што такім чынам выказвае падтрымку расійскаму войску.
Палітыка адносяць да найбольш прарасійскага крыла АдГ. Пасля пачатку паўнамаштабнай вайны ён ездзіў у Расію, але перапыніў паездку пасля крытыкі ўнутры партыі. У кастрычніку 2025 года Цільшнайдэр таксама ўдзельнічаў у мерапрыемстве ў пасольстве Расіі ў Берліне з нагоды дня нараджэння Уладзіміра Пуціна.
Цяпер чытаюць
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў35
«Астравок Паўночнай Карэі». Баранавіцкая школа выкаціла спіс патрабаванняў да выгляду вучняў
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара1515
Каментары