Улады пяці краін ЕС дамовіліся аб стварэнні цэнтраў утрымання мігрантаў за межамі Еўропы
Туды могуць накіроўваць і тых, хто просіць прытулку.
Улады Аўстрыі, Германіі, Грэцыі, Даніі і Нідэрландаў дамовіліся аб стварэнні адзінай мадэлі цэнтраў утрымання мігрантаў за межамі ЕС, паведамляе «Настоящее время» са спасылкай на Associated Press па выніках перамоў міністраў пяці краін у Капенгагене.
Першыя цэнтры могуць прыняць мігрантаў, чые хадайніцтвы аб прадастаўленні прытулку былі адхіленыя ў ЕС, ужо ў 2027 годзе.
Перамовы, у прыватнасці, вядуцца з краінамі Афрыкі.
Міністр па пытаннях іміграцыі і інтэграцыі Даніі Мортэн Бедскаў заявіў, што рашэнне аб стварэнні «цэнтраў вяртання» для мігрантаў, якім адмовілі ў прытулку ў еўрапейскіх краінах, адкрывае шлях да «фундаментальнай трансфармацыі агульнай еўрапейскай сістэмы міграцыі і прадастаўлення прытулку».
У лютым еўрадэпутаты зацвердзілі новыя ўмовы канцэпцыі «бяспечнай трэцяй краіны» — дзяржавы, грамадзянінам якой чалавек, які просіць прытулку, не з'яўляецца, але якая тэарэтычна можа даць яму абарону.
Такой краінай дамовіліся лічыць любую дзяржаву, з якой у ЕС або асобнай краіны-ўдзельніцы ёсць пагадненне аб прыёме і размяшчэнні асоб, якія просяць прытулку, або краіну, праз якую чалавек праязджаў па дарозе ў ЕС. У такім выпадку ў Еўропе маюць права не разглядаць яго заяву.
Каментары