Эстонія забараніла транзіт праз сваю тэрыторыю расійскага і беларускага збожжа. Пра гэта паведаміў міністр замежных спраў краіны Маргус Цахкна ў мікраблогу X у чацвер, 1 кастрычніка.
«Расія атакуе ўкраінскія парты, блакуе экспарт збожжа з Украіны, а потым шукае новыя маршруты для ўласнага збожжа. Эстонія не прадаставіць ёй такі маршрут», — гаворыцца ў допісе.
Дыпламат нагадаў, што раней у верасні ён папярэджваў, што «не варта будаваць планы па транспарціроўцы расійскага збожжа праз Эстонію».
«І вось сёння мы ператварылі гэта ў закон», — рэзюмаваў Цахкна.
Today, Estonia banned the transit of Russian and Belarusian grain through our territory.
Russia attacks Ukrainian ports, blocks Ukraine’s grain exports and then looks for new routes for its own grain. Estonia will not provide one.
I warned already in September: do not make plans to transport Russian grain through Estonia. Today, we turned that warning into law.
Together with Latvia and Lithuania, we are working to ensure that Baltic ports do not become a transit route for Russia.
Russia cannot wage a war of aggression and expect us to help keep its trade flowing. We will not help finance its war or make its aggression easier to sustain.
Кіраўнік МЗС дадаў, што Эстонія разам з Літвой і Латвіяй працуе над тым, каб «гарантаваць, што балтыйскія парты не будуць выкарыстоўвацца ў якасці транзітных маршрутаў для Расіі».
«Расія не можа весці агрэсіўную вайну і чакаць, што мы будзем дапамагаць ёй захоўваць свае гандлёвыя патокі. Мы не будзем дапамагаць фінансаваць яе вайну і палягчаць ёй далейшае ажыццяўленне агрэсіі», — заявіў кіраўнік МЗС.
Хто такая Алеся Пархоменка з Кіпра, якая развязала беларуска-беларускую вайну88
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары