Кальцавую лінію метро хутка пачнуць будаваць. Першы ўчастак звяжа «Парк Дружбы народаў» з Вяснянкай
Будаўніцтва чацвёртай лініі метро ў Мінску пачнецца з шасцікіламетровага ўчастка ад плошчы Бангалор да Вяснянкі.
Пра гэта стала вядома падчас сустрэчы намесніка старшыні Мінгарвыканкама Аляксандра Чэрнікава з калектывам Дырэкцыі па будаўніцтве Мінскага метрапалітэна, паведамляюць «Мінск-Навіны».
— Метрапалітэн адыгрывае ключавую ролю ў сістэме грамадскага транспарту, бо штодня яго паслугамі карыстаюцца сотні тысяч жыхароў і гасцей сталіцы, — падкрэсліў дырэктар Дырэкцыі па будаўніцтве Мінскага метрапалітэна Іван Мікульскі. — Развіццё падземкі адлюстравана ў генеральным плане горада, і ўся праектная дакументацыя ствараецца ў адпаведнасці з закладзенымі ў яго параметрамі.
Цяпер найбольш актыўна будуюцца тры станцыі Зелёналужскай лініі — «Камароўская», «Пярэспа» і «Парк Дружбы народаў».
— Сёння танэлепраходчыя механізаваныя комплексы «Алеся» і «Марыя» знаходзяцца ў раёне вуліцы Старажоўскай і побач з «Камароўскай», — дадаў Іван Мікульскі. — Што тычыцца перспектыў развіцця падземкі, то не адыходзім ад планаў: у бліжэйшай будучыні маем намер прыступіць да будаўніцтва чацвёртай (кальцавой) лініі. Неабходная праектная дакументацыя ўжо распрацоўваецца. Чакаецца, што першы ўчастак працягласцю 6 км злучыць «Парк Дружбы народаў» з мікрараёнам Вяснянка. На гэтым участку будуць тры станцыі, а ў далейшым лінія пойдзе ў бок «Пушкінскай».
Цяпер чытаюць
А што будзе, калі вярнуцца ў Беларусь? Кажуць жа, што рэпрэсіі заканчваюцца1
А што будзе, калі вярнуцца ў Беларусь? Кажуць жа, што рэпрэсіі заканчваюцца
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары