У другім паўфінале міжнароднага конкурсу песні "Еўрабачанне-2012", які пройдзе 24 мая ў Баку, прадстаўнік Беларусі — гурт Litesound — выступіць пад пятым нумарам.Як паведаміла прэс-служба Белтэлерадыёкампаніі, лёсаванне адбылося 20 сакавіка на сустрэчы кіраўнікоў дэлегацый краін — удзельніц конкурсу ў сталіцы Азербайджана.
Другі паўфінал 24 мая адкрые Сербія, завершыць — Літва. У другім паўфінале таксама выступяць і прагаласуюць Боснія і Герцагавіна, Балгарыя, Харватыя, Эстонія, Македонія, Грузія, Мальта, Нарвегія, Партугалія, Славакія, Славенія, Швецыя, Нідэрланды, Турцыя, Украіна.
Першы паўфінал песеннага форуму 22 мая адкрые Чарнагорыя, а завершыцца кваліфікацыйны раўнд выступленнем прадстаўнікоў Ірландыі. У першым паўфінале таксама выступяць і прагаласуюць Албанія, Аўстрыя, Бельгія, Кіпр, Данія, Фінляндыя, Грэцыя, Венгрыя, Ісландыя, Ізраіль, Латвія, Малдова, Румынія, Расія, Сан-Марына, Швейцарыя.
На сустрэчы ў Баку беларуская дэлегацыя на чале з намеснікам старшыні Белтэлерадыёкампаніі Маратам Маркавым прадставіла пакет матэрыялаў, неабходных для ўдзелу гурту Litesound у конкурсе. У тым ліку арганізатарам перададзена створаная спецыяльна для "Еўрабачання" версія песні We Are The Heroes. Над гэтай версіяй Litesound працаваў сумесна з еўрапейскім прадзюсарам Дзімітрасам Кантаполусам па запрашэнні Белтэлерадыёкампаніі ў студыі гуказапісу Беларускага радыё.
У прэс-службе Белтэлерадыёкампаніі нагадалі, што ў фінале конкурсу 26 мая, паводле правілаў, аўтаматычна ўдзельнічаюць краіны — заснавальнікі "Еўрабачання": Вялікабрытанія, Германія, Іспанія, Італія, Францыя, а таксама Азербайджан як краіна — пераможца "Еўрабачання-2011" і арганізатар конкурсу гэтага года. Варта адзначыць, што Азербайджан, Італія і Іспанія будуць трансліраваць першы паўфінал конкурсу і галасаваць у ім. Вялікабрытанія, Германія і Францыя пакажуць другі паўфінал, у якім змогуць галасаваць за ўпадабаных выканаўцаў.
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4444
Каментары