Дзіўная фантастыка-мэдытацыя з канкістадорамі, сучасным эліксірам неўміручасьці і далёкай вандроўкай у касьмічнай сфэры.
Фантан (Fountain)
ЗША, 2006, каляровы, 96 хв.
Рэжысэр: Дарэн Аранофскі
Ролі выконваюць: Г’ю Джэкман, Рэйчэл Ўэйс, Марчэла Безіна, Аляксандар Бісьпінг, Кліф Кертыс, Шон Гулет
Жанр: Фантастыка-мэдытацыя
Адзнака: 6 (з 10)
Навуковец Томі спрабуе знайсьці лекі, каб выратаваць хворую на рак жонку. Жанчына тымчасам складае кнігу пра канкістадора, які шукае Дрэва жыцьця; а ў далёкім прышлым касманаўт-будыст вандруе да вытокаў існага. Усе гэтыя гісторыя пераплеценыя, складаюць адзінае цэлае – і пазначаныя Г’ю Джэкманам у загалоўнай ролі.
Экспэрымэнтар Дарэн Аранофскі пасьля шальнога трызьненьніка “Пі” і з захапленьнем успрынятага моладзьдзю “Рэквіема аб мары” зрабіў халаднаватаю фантастыку-мэдытацыю. Гэтая фантастыка даволі нестандартная, каб прывабіць у кінатэатр думаньнікаў і даволі статычная – каб гледачоў з кінатэатраў выгнаць.
Але фільм Аранофскага – не сюжэт, а архетыпы: Дрэва жыцьця, колазварот сьмерці й нараджэньня, вечная любоў. Арт-гаўзна аформленыя архетыпы з вадка-касьмічнымі дэкарацыямі й кічавай левітацыяй Г’ю Джэкмана – прыстасаваныя да дзявочай аўдыторыі; а будыска-індэйская містыка задае (плоска, але відовішчна) рэлігійна-філязофскае вымярэньне.
Хто занудзіцца на стужцы – няхай дачакаецца фінальных сцэнаў: кветкі, якія прарастаюць з чалавечага цела, сапраўды, уражваюць.
Фота з сайту www.cinemastrikesback.com
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары