У Віцебску можна пракаціцца на рэтра-аўтамабілі 1931 года 1
Любы жыхар ці госць Віцебска можа адчуць сябе Маркам Шагалам, які прыехаў у Парыж, і пракаціцца па старых вулачках на французскім аўто 1931 - Citroën C4 CL.
Карэспандэнт «Народных навінаў Віцебска» заўважыў рэтра-аўто на вуліцы Талстога, дзе яно чакала будучых пасажыраў. Дзесяціхвілінная паездка па Віцебску абыдзецца ў 150 тыс. рублёў. Выявілася, аднак, што ў Віцебску, у адрозненне ад Чарнаморска, не шануюць прадметы даўніны і неахвотна на іх катаюцца. Па словах уладальніка рарытэтнага Citroën, усе толькі фатаграфуюцца з яго машынай.