Генеральны пракурор Украіны Юрый Луцэнка заявіў, што беларуска-ўкраінскі журналіст Павел Шарамет загінуў у выніку спрацоўвання выбуховага прыстасавання.
Пра гэта напісаў Юрый Луцэнка на сваёй старонцы ў фэйсбуку.
«З месца здарэння далажылі, што смерць Паўла Шарамета — вынік прывядзення ў дзеянне выбуховага прыстасавання. Гэта забойства», — адзначыў ён.
«Спачуваю Алене [Прытуле, блізкай сяброўцы Паўла Шарамета і кіраўніцы выдання «Украінская праўда», дзе працаваў Шарамет] і ўсім сябрам нябожчыка. Зраблю ўсё, што магу, каб разам з калегамі раскрыць злачынства», — дадаў генпракурор Украіны.
0
0
0
0
0
0
