Упершыню ў гісторыі брытанскай сталіцы лонданскую паліцыю ўзначаліла жанчына. Крэсіда Дзік стала кіраўніком Службы сталічнай паліцыі, змяніўшы на гэтай пасадзе сэра Бернарда Хоган-Хоу, піша ВВС.
Getty
Па словах Крэсіды Дзік, яна надзвычай рада зноў вярнуцца ў Скотланд-Ярд.
«Гэта вельмі вялікая адказнасць і выдатныя магчымасці. Я з нецярплівасцю чакаю магчымасці абараняць жыхароў сталіцы і служыць ім», — гаворыцца ў яе заяве.
Зарплата кіраўніка лонданскай паліцыі складзе больш за 270 тысяч фунтаў у год (каля 335 тысяч даляраў), без уліку прэмій.
Раней Дзік была кіраўніком нацыянальнай контртэрарыстычнай службы. У 2014 годзе яна пакінула працу ў сталічнай паліцыі пасля 31 года службы і перайшла на пасаду ў міністэрства замежных спраў.
На пасадзе кіраўніка контртэрарыстычнай службы Дзік прымала шэраг важных рашэнняў па забеспячэнні бяспекі падчас правядзення Алімпіяды-2012 у Лондане.
