У Гомелі, на вул. Кунцэвіча, пры пажары ў прыватным доме 6 лістапада загінулі тры чалавекі, перадае МНС.
Выратавальнікі атрымалі паведамленне ў 20.48. Пасля пыбыцця на месца выратавальнікі вызначылі, што гарэнне адбываецца ўнутры драўлянага дома, з акна ідзе густы дым.
На падлозе ў жылых пакоях выратавальнікі знайшлі гаспадыню дома, яе сына і жонку сына.
Гаспадыня, 1950 года нараджэння, пенсіянерка, яе сын, 1980 года нараджэння, непрацоўны, і яго жонка, 1979 года нараджэння, пражывалі сумесна.
Дзвюх жанчын і мужчыну перадалі работнікам хуткай медыцынскай дапамогі, якія канстатавалі іх смерць.
Адна з версій прычыны ўзнікнення пажару — неасцярожнае абыходжанне з агнём пры курэнні.
0
0
0
0
0
0