Грамадства2323

Дабудаваць 5-зоркавы гатэль у цэнтры Мінска не даюць санкцыі

BELPOL сцвярджае, што мае ў сваім распараджэнні дакумент, які сведчыць пра эфектыўнасць санкцый.

Недабудаваны гатэль. Фота: Realt

 Матэрыял тычыцца будаўніцтва 5-зоркавага гасцінічнага комплексу, дзеля якога знеслі шкляны павільён «Белэскпа».

«У жніўні 2015 года Лукашэнка выдаў указ №348-дсп «Аб будаўніцтве шматфункцыянальнага гасцінічнага комплексу ў Мінску». Паводле яго палажэнняў, кампаніі з ААЭ: інвестар — «Kopaonik Property Investment LLC» і заказчык — ТАА «KPY Development» у тэрмін да 31.12.2023 мусілі пабудаваць 5-зоркавы гасцінічны комплекс у г. Мінску ў межах вул. М.Багдановіча — Я. Купалы — р. Свіслач», — гаворыцца ў матэрыяле.

«Аднак будаўніцтва аб'екта не завершана на сённяшні дзень. За гэты час праведзена рэканструкцыя гістарычных будынкаў, у якіх адкрыты буцік-апарт-гатэль «The Basilian Minsk, Curio Collection by Hilton» пад кіраваннем аператара «Hilton», узведзены пешаходны мост над ракой Свіслач. Гэта другая і трэцяя чаргі будаўніцтва. Але работы над першым этапам праекта — галоўным 5-зоркавым гатэлем — яшчэ працягваюцца», — адзначаюць у BELPOL.

Паводле аўтараў, інвестар тлумачыць несвоечасовую рэалізацыю праекту двума фактарамі:

  • негатыўны ўплыў санкцыйнага ціску на Рэспубліку Беларусь у 2022-2023 гадах з боку «недружалюбных дзяржаў» у частцы абмежаванняў (забароны) на ўвоз у Беларусь матэрыялаў і абсталявання, што прывяло да павелічэння тэрмінаў іх вытворчасці і пастаўкі;
  • неабходнасцю інвестара, заказчыка і генпадрадчыка вымушана рэканструяваць фінансаванне і ўсе разлікі па праекце з долараў ЗША на еўра, а таксама шукаць альтэрнатыўныя варыянты аплаты замежным пастаўшчыкам у сувязі са спыненнем плацяжоў у доларах ЗША, а таксама адмова шэрагу замежных банкаў працаваць з Рэспублікай Беларусь.
Рэндар праекта будучага гатэля. 

Аўтары сцвярджаюць, што ў сувязі з гэтым новай рэдакцыяй указа плануецца падоўжыць тэрмін рэалізацыі праекта да канца 2024 года.

Выданне REFORM.news звяртае ўвагу, што 26 красавіка 2024 года адміністрацыя Цэнтральнага раёна горада паведаміла, што будаўніцтва плануецца завяршыць у другім паўгоддзі. Пра гэта ішла размова на сустрэчы намесніка кіраўніка адміністрацыі Сяргея Утліка з прадстаўнікамі забудоўшчыка, падрадчыка і праекціроўшчыка, пісала БелТА.

«На нарадзе былі заслуханы даклады і прапановы, а таксама ўзгоднены далейшыя дзеянні прадстаўнікоў кампаніі-забудоўшчыка, субпадраднай арганізацыі і праектнай арганізацыі для як мага хутчэйшага завяршэння будаўніцтва», — адзначылі ў адміністрацыі, запэўніўшы, што работы ідуць на добры тэмп.

Каментары23

  • давекда
    12.05.2024
    И вот как посмотреть этот материал в первоисточнике, если на сайт BELPOL запрещён вход с белорусских ip-адресов, а иностранные вообще блокируются 555 Security Incident Detected?
  • маленькая архітэктарка цемры
    12.05.2024
    божухна, які жах. я пра будынак. а
    замаўлялі і праектавалі тыя ж самыя, што і Дворец Не3%вісімасці?
    бо нечым будынкі падобныя
  • Acab
    12.05.2024
    О, "былыя" міліцыянты)
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

ГУБАЗіК выклаў дыскрэдытуючае фота затрыманага, які «прапагандаваў нацызм». Але на здымку скандальны Z-блогер3

ГУБАЗіК выклаў дыскрэдытуючае фота затрыманага, які «прапагандаваў нацызм». Але на здымку скандальны Z-блогер

Усе навіны →
Усе навіны

Праз два тыдні вялікія выходныя. А потым усё вельмі хаатычна

Колькі афіцыйна зарабляюць сыны Аляксандра Лукашэнкі?20

Нарышкін: Мірнае пагадненне па Украіне прадугледжвае прызнанне межаў Расіі19

Зборную Беларусі па футзале могуць не пусціць на чэмпіянат Еўропы ў Літву і Латвію5

Канцлер Германіі «павінен выставіць Пуціну ўльтыматум — спыненне агню або ракеты Taurus» — галоўны рэдактар Bild5

«Знялі з карты 400 рублёў». Гэтая камісія ставіць кліентаў у тупік, але банкі яе ўводзяць5

Вучоныя ўпершыню вырасцілі зуб у лабараторных умовах — іх спадзяюцца ставіць замест пратэзаў1

Ад старой Грушаўкі пакінуць толькі векавы клён6

Здаецца, дзяўчына знайшла самае інстаграмнае месца для адпачынку ў Беларусі. Але кошт глэмпінгу не для слабанервовых19

больш чытаных навін
больш лайканых навін

ГУБАЗіК выклаў дыскрэдытуючае фота затрыманага, які «прапагандаваў нацызм». Але на здымку скандальны Z-блогер3

ГУБАЗіК выклаў дыскрэдытуючае фота затрыманага, які «прапагандаваў нацызм». Але на здымку скандальны Z-блогер

Галоўнае
Усе навіны →

Заўвага:

 

 

 

 

Закрыць Паведаміць