Фота: УУС Брэсцкага аблвыканкама
Урачыстую цырымонію прыняцця прысягі грамадзяніна Беларусі правялі ў Брэсцкай крэпасці.
Пашпарты атрымалі 20 чалавек-ураджэнцы Расіі, Украіны і Кеніі, піша БелТА.
Кеніец Бенард Рапуда Атыена прымаў прысягу ў прысутнасці жонкі і двух дзяцей. Ён прыехаў у Беларусь 2003 годзе працаваць у Белдзяржцырку. У краіне яму спадабаліся чысціня і спакой, і ён застаўся тут жыць.
«Для мяне гэта як сон. Я не веру, што нарэшце стаў беларусам», — адзначыў Бенард.
Новаспечаны грамадзянін Беларусі хоча, каб яго сыны служылі ў беларускім войску.
«Я паважаю армію. Там малады чалавек становіцца мужчынам. Ён павінен любіць сваю краіну і быць гатовы яе абараняць», — лічыць Атыена.
За чатыры месяцы 2024 года па розных артыкулах грамадзянства Беларусі набылі 135 чалавек, з іх 50 — па ўказе Лукашэнкі.
Чытайце таксама:
Вярхоўная Рада падтрымала важны для беларусаў законапраект аб прававым статусе абаронцаў Украіны
