Уладзімір Пугач з J:Морс паказаў, як выглядае, калі ў яго пытаюцца пра віславухую прынцэсу ФОТЫ
Новая серыя фотапраекта Таццяны Менскай «Лад жыцця». Галоўны герой — Уладзімір Пугач, лідар гурта J:Морс.
Дагэтуль дзіўлюся, як стаў артыстам. Я вельмі непублічны чалавек, сапраўдны інтраверт! З задавальненнем схаваўся б ва ўласным свеце. Але раптам стала цікава пісаць музыку, і я стаў атрымліваць задавальненне ад сцэны, нават стаў часткай таго працэсу, які ўжо не магу і не хачу спыняць. А навошта?
Чытайце таксама: «Валасы чалавека — гэта антэны, якія ўзмацняюць яго ўплыў на іншых» — ФОТАпраект «Лад жыцця» з Алегам Хаменкам
Быць самім сабою — вялікая адвага. Не ведаю, што кажуць пра мяне, не адчуваю да гэтага празмернай цікавасці. І калі б увесь час думаў пра гэта, аналізаваў кожную дэталь сваіх паводзін, дык выглядаў бы прыкладна так:
Талентаў акцёрскіх у сабе не назіраю, што праверана шмат разоў. Мне цяжка раскрывацца для ўсіх з-за сваёй унутранай замкнёнасці. А вось выпадкова зірнуўшы на некаторыя з фота, я амаль пагадзіўся б і нешта сыграць. На сцэне. У кіно. Як выклік сваёй інтравертнасці.
Чытайце таксама: Ігар Варашкевіч у ФОТАпраекце «Лад жыцця»
Страшна, калі раптам няма чым сябе заняць. Мяне гэта ломіць!
Калі я сапраўды злы, у мяне мінімум мімікі на твары, мінімум! Таму часам, каб абараніць сваю асабістую прастору, даводзіцца падключаць больш жывую міміку. Нават каты разумеюць…
Менавіта так выглядаюць людзі, калі ў іх пытаюцца пра віславухую прынцэсу. Толькі так, запомніце! І не пытайцеся больш…
Чытайце таксама: «Мой улюбёны сцэнічны вобраз — спакуснік. Даводзілася і ад мужчын часам уцякаць!» Шмат ФОТА Змітра Вайцюшкевіча
Чалавек знутры бачыць сябе адным, а звонку… Ён не можа ацаніць, як сам выглядае: ён можа апранаць любыя маскі, у залежнасці ад сітуацыі, настрою, атачэння.
Самы галоўны твой інструмент — твая галава! Авалодаць можна любым інструментам, а прыдумаць, што на ім выканаць, — тут без галавы аніяк. Усё ідзе адсюль. Музыка нараджаецца ў галаве.
Калі знаходзішся ў сваім ахоўным перыметры, ахопліваюць цябе творчыя пакуты ці не, — ты проста можаш разняволіцца і замерці ў сваёй цішыні. Люблю гэты амаль медытатыўны стан, калі спыняецца ўсё навокал, і ты на 100% раствараешся ў прасторы, што вакол цябе.
Чытайце таксама: «Часам мне падабаецца нацягваць маску прыдуркаватасці». Шмат ФОТА Аляксандра Кулінковіча
О! Вам жа таксама бывае няёмка за ўласныя думкі? Словы? Учынкі? У такія моманты выглядаеш як шкадлівы кот.
Магу патануць у добрай музыцы…
Лянота — гэта маё ўсё!!!
Дарэчы, найбліжэйшы канцэрт групы «J:Морс» і Прэзідэнцкага аркестра Рэспублікі Беларусь пройдзе 14 лютага ў Prime Hall, музыканты адыграюць адмысловую версію праграмы «Беларускае золата», прымеркаваную да Дня закаханых.
-
Паставіць намёт — ад 70 рублёў, шаўрма па 20, душ за 10: як селёта праходзіць Viva Braslav
-
«Ты зачапіла маю радзіму — і гэта подла». Рэперка з Беларусі запісала адказ Інстасамцы. Моладзь цяпер масава здымае пад яго тыктокі
-
Ходзіць легенда, што Озі Осбарн адкусіў галаву жывому кажану. А што ж адбылося насамрэч?
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
Каментары