Некалькі дзён таму на літоўскім ТБ заўважылі, што Святлана Ціханоўская дагэтуль не валодае літоўскай мовай. Лідарка апазіцыі зрабіла жэст, скіраваны да літоўцаў.
Святлана і Сяргей Ціханоўскія наведалі ў Вільні штотыднёвы мітынг у падтрымку Украіны, дзе выступілі з прамовамі.
Пры канцы мітынгу яго ўдзельнікам уключылі дзяржаўны гімн Літвы, і Святлана Ціханоўская падпявала яму. У руках Ціханоўская трымала тэлефон — выглядала, што яна сочыць за тэкстам, каб не памыліцца.
Святлана Ціханоўская некалькі разоў абяцала, што пачне вучыць літоўскую мову, але ж ёй не хапае на гэта часу. На літоўскім канале LRT заўважаюць, што і пасля тых абяцанняў лідарка дэмсіл калі і прамаўляе нешта па-літоўску, то зачытвае такі тэкст з паперкі.
«Наша Нiва» — бастыён беларушчыны
ПАДТРЫМАЦЬ
Каментары