У пачатку ліпеня гарнізонны вайсковы суд Растова-на-Доне прыгаварыў прапаршчыка адной з мясцовых вайсковых частак Сефербега Гаджыева да пяці з паловай гадоў калоніі за распаўсюджванне «фэйкаў» пра расійскую армію (пункт «а» часткі 2 артыкула 207.3 КК), піша «Медуза».
Паводле версіі следства, Гаджыеў, будучы начальнікам змены ўзвода вайсковай камендатуры, «вёў паражэнчыя размовы з саслужыўцамі» 7 і 11 верасня 2024 года — ён, «жадаючы напалохаць падначалены яму асабовы склад з ліку варты», вырашыў «увесці яго ў зман адносна выканання задач».
У размове Гаджыеў, як сцвярджаецца, «перабольшваў поспехі праціўніка на тэрыторыі ДНР» і «негатыўна ацэньваў дзеянні ўзброеных сіл РФ».
Гаджыеў, як сказаў яго адвакат, прызнаў віну, і ў пададзенай пасля рашэння суда апеляцыі не прасіў апраўдання або адмены прысуду, а ўказваў на парушэнні — у тым ліку на тое, што ён вёў прыватную гутарку, і ў яго дзеяннях адсутнічала прыкмета ўчынення злачынства «з выкарыстаннем службовага становішча».
У выніку тройка суддзяў у Паўднёвым акруговым ваенным судзе вырашыла, што Гаджыеў увогуле «не быў ініцыятарам злачынных размоў», а размова «насіла побытавы характар» і на асабістую пазіцыю яго суразмоўцаў адносна вайны не паўплывала.
Гаджыеву замянілі тэрмін на штраф 2,5 мільёна расійскіх рублёў (30 тысяч даляраў) і вярнулі вайсковае званне. Адразу пасля рашэння суда яго вызвалілі з СІЗА.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары