Футбольная зборная Беларусі займае 78-е месца ў кастрычніцкім рэйтынгу ФІФА. У параўнанні з вераснем беларуская каманда паднялася на дзве пазіцыі. У зборнай 1307 балаў.
У кастрычніку беларусы правялі дзве гульні ў Лізе нацый: перамаглі Люксембург — 1:0 і згулялі ўнічыю з Малдовай — 0:0.
На 77-м месцы — Замбія (1308 балаў), на 79-м — Кюрасао (1306).
Узначальвае рэйтынг — Бельгія (1733 балы), далей ідуць Францыя (1732), Бразілія (1669), Харватыя (1635), Англія (1619).
