14 гульцоў «Сочы» атруціліся ў Грозным перад матчам з «Ахматам». Іх усё роўна прымусілі гуляць
«Ахмат», што цярпеў бедства ў турнірнай табліцы, учора выйграў.
Момант матча. Фота з сайта championat.com
Перад матчам прэм'ер-лігі галоўны трэнер «Сочы» Раберта Марэна паведаміў, што ўсяго атруціліся 19 чалавек: 14 гульцоў і 5 чалавек з персаналу каманды, піша Sota.
Марэна прыйшлося выпусціць на поле тых гульцоў, хто адчуваў сябе адносна лепш за іншых: частка футбалістаў проста не магла ўстаць, усе пакутавалі абязводжваннем.
Прычына атручэння засталася невядомай, Расійскі футбольны саюз дамовіўся перанесці матч, генеральны сакратар арганізацыі Максім Мітрафанаў заявіў, што гэта было зроблена з-за «адсутнасці афіцыйных дакументаў» ад «Сочы».
У выніку «Ахмат» — адно з дзецішчаў Рамзана Кадырава — перамог з лікам 1:0 і пакінуў зону вылету.
Да канца чэмпіянату Расіі па футболе засталося пяць тураў. Каманды, што зоймуць 15-е і 16-е месцы, напрамую вылятаюць з расійскай прэм'ер-лігі. Клубы, што фінішуюць 13-й і 14-й, будуць гуляць стыкавыя матчы з 3-1 і 4-й камандамі першай лігі. «Урал» трэніруе беларус Віктар Ганчарэнка. Табліца: soccerstand.com
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам8
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі1818
Каментары