Ус у сваёй турэмнай форме.

Фота Насты Шамрэй і Таццяны Гаўрыльчык.

Фота Насты Шамрэй і Таццяны Гаўрыльчык.

Відэа Таццяны Гаўрыльчык і Насты Шамрэй

***

20:09

«Дзмітрый пачуваецца някепска. Нічога муж не падпісаў», — сказала Яўгенія Ус па тэлефоне карэспандэнту НН.

Сам былы палітвязень кажа, што «віншаваць яго няма з чым, пакуль не вызваленыя ўсе палітвязні» і што ён будзе змагацца за іх вызваленне.

* * *

Дзмітрый Ус быў кандыдатам у прэзідэнты на прэзідэнцкіх выбарах у снежні 2010 г. Затрыманы ў Мінску ў ноч з 19 на 20 снежня пасля масавай акцыі пратэсту. Утрымліваўся ў СІЗА КДБ. Днём 20 снежня выпушчаны адтуль пад падпіску пра нявыезд. Доўгі час з’яўляўся падазраваным па справе аб масавых беспарадках, прынцыпова застаўся ў Беларусі.

У інтэрв’ю НН ён у маі 2011 г. заявіў: «За ідэю гатовы пакутаваць [змена выбарчага заканадаўства]. Лічу, што яна разумная, граматная. Што б ні здарылася, я яе не адракуся. Трэба даводзіць яе да канца. Каб нашы беларусы былі абароненыя законам і бюлетэнямі. (…) Вы ведаеце, я ляжаў у рэанімацыі шмат разоў. Я бачыў столькі смерцяў… У мяне проста ёсць ідэя. Не важна, дзе спаць. Галоўнае, каб дух не быў зломлены. Не хачу, каб беларусы былі рабамі. … Я не лічу сябе вінаватым. Якая гэта свабода — уцякаць ад сваіх родных, ад народа? У мяне тут сваякі, сябры. Мне гэта не трэба. Няхай бяжыць той, хто гэта робіць».

* * *

Абвінавачванне па артыкуле 293 КК прад’яўлена 18 сакавіка 2011 (арганізацыя масавых беспарадкаў). 26 мая суддзя Людміла Грачова прызнала яго вінаватым у арганізацыі масавых беспарадкаў. Пракурорам выступаў Кірыл Чубкавец, які прасіў Уса пакараць сямі гадамі зняволення.

Ус быў асуджаны на пяць з паловай гадоў зняволення.

Тэрмін адбываў у шклоўскай калоніі, яму там далі 2-ю групу інваліднасці. Апошнія дні ён знаходзіўся ў турэмным шпіталі ў Мінску.

За кратамі працягваюць знаходзіцца два кандыдаты ў прэзідэнты — Мікола Статкевіч і Андрэй Саннікаў.

нагадаем, што 30 верасня на прэс-канферэнцыі ў Варшаве прэм’ер-міністр Польшчы Дональд Туск заявіў, што ЕС гатовы прадаставіць Беларусі 9 млрд даляраў фінансавай дапамогі ў абмен на выкананне «шэрагу прапановаў». У пакет прапановаў уваходзіць вызваленне і рэабілітацыя палітвязняў, перамовы ўлады з апазіцыяй, вольныя парламенцкія выбары.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру