Cорак гадоў таму я наведаў першы раз Амерыку. Быў якраз перадкалядны час. Што мяне ўразіла амаль адразу пасля высадкі з самалёта ў
Ханука — свята габрэйскае, якое прыпадае прыблізна ў той самы час, што і Каляды.Як і Каляды — гэта радаснае свята, «свята сьвятла», калі габрэі ўспамінаюць аднаўленне ў 165 г. да нараджэньня Хрыста ў Ерусаліме сьвятыні, якую знішчылі ворагі, пад чыім панаваннем тады апынулася Палестына, і якія хацелі «ашчаслівіць» габрэяў, змусіўшы іх адмовіцца ад веры ў адзінага Бога і традыцыі бацькоў, і далучыцца да «вышэйшай» паганскай культуры іхніх заваёўнікаў.
Аднак «няўдзячныя» габрэі адмовіліся ад такіх дабрадзействаў, паўсталі супраць сваіх захопнікаў і, нягледзячы на няроўныя сілы, перамаглі іх, захаваўшы непарушнай сваю веру і вернасць традыцыям сваіх бацькоў. Стрыжневым пунктам гэтай веры было чаканне Месіі для аднаўлення Валадарства Божага, што і здарылася з прыйсцем на свет Госпада нашага Ісуса Хрыста, нараджэнне якога мы цяпер святкуем.
Такім чынам свята Ханукі мае прамое дачыненне да нашых Калядных святаў. Яно дае нам таксама шмат матэрылу да роздуму аб важнасці захаваць не толькі веру, але і вернасць традыцыі бацькоў, мець смеласць бараніць яе і не паддацца спакусе далучыцца да «вышэйшай» чужой культуры. Вось гэтую думку хачу пакінуць да развагі вам, дарагія чытачы, у гэты радасны дзень нараджэння Госпада Бога і Збаўцы Нашага Ісуса Хрыста.
Каляды 2011, апостальскі візітатар для беларусаў-каталікоў замежжа а. Аляксандар Надсан, Лондан
