Вайна ва Украіне. Дваццаць чацвёрты дзень АНЛАЙН
Прасоўванне расійскіх войскаў пакуль спынілася па ўсіх напрамках, ім відавочна трэба падмацаванне і перагрупаванне. Падмацаванне завозіцца і з боку Беларусі. Пад Петрыкавам будуецца пераправа для танкаў, а на чыгунцы пачынае дзяжурыць спецназ, бо рэйкавая вайна таксама даецца ў знакі. Ва Украіне ж пастаянна запускаюцца ракеты, якіх, паводле падлікаў Пентагона, вылецела за ўвесь час ужо 1080. Гарады абстрэльваюцца і бамбяцца, узятая таксама на ўзбраенне тактыка захопу ў палон мясцовых украінскіх чыноўнікаў і дэпутатаў. Двухбаковыя перамовы таксама працягваюць ісці, пакуль што іх прагрэс, праўда, толькі ўмоўны. «Наша Ніва» працягвае сачыць за падзеямі ва Украіне і вакол яе.