«Валнавахі больш няма», ‒ заявіў 12 сакавіка губернатар Данецкай вобласці Павел Кірыленка. Большасць людзей, па яго словах, з'ехалі, а інфраструктура разбурана. 17 дзён расійскія войскі бралі маленькую Валнаваху. 17 дзён трымаецца рускамоўны горад-герой Харкаў, становішча ў якім відавочцы апісваюць як апакаліпсіс. Еўропа ледзь спраўляецца з маштабным мігранцкім крызісам. Польскія ўлады паведамілі ў суботу, што прынялі 1,6 млн уцекачоў за час вайны. Каля мільёна ўкраінцаў засталіся ў Польшчы, астатнія адправіліся ў іншыя еўрапейскія краіны. Гарадскія ўлады Варшавы і Кракава кажуць, што іх рэсурсы ўжо на мяжы. У суботу Украіна ўпершыню назвала колькасць загінулых вайскоўцаў ‒ 1300 чалавек. Колькасць загінулых расійскіх вайскоўцаў украінскія ўлады ацэньваюць у 12 000 чалавек. Перамовы Украіны з Расіяй працягваюцца бесперапынна ў відэафармаце, створаны спецыяльныя працоўныя падгрупы, паведаміў дарадца кіраўніка Офісу прэзідэнта Украіны Міхаіл Падаляк. «НН» сочыць за развіццём падзей.
Галоўнае
Каментары