ЗША дазваляюць везці нафту Ірану для таго, каб ён дазваляў рабіць гэта іншым

ЗША прызналі, што не перашкаджаюць Ірану экспартаваць нафту праз Армузскі праліў, нягледзячы на тое, што сам Іран абстрэльвае чужыя судны і фактычна перашкаджае іншым краінам вывозіць прадукцыю з Персідскага заліва. Міністр фінансаў ЗША Скотт Бесент заявіў, што іранскія танкеры ўжо выходзяць з праліва, і амерыканскія вайскоўцы дазваляюць гэта, каб забяспечыць пастаўкі для свету.

Здымак ілюстрацыйны. Фота: AP Photo/Altaf Qadri

Згодна з данымі за перыяд з 28 лютага па 11 сакавіка, Іран вывозіў нафту амаль у аб’ёмах мінулага года — ад 1,1 да 1,5 мільёнаў бараляў у дзень, у той час як за ўвесь 2025 год сярэдні экспарт складаў 1,69 мільёна бараляў у суткі. Агульная колькасць вывезенай нафты з пачатку канфлікту ацэньваецца ад 13,7 да 16,5 мільёна бараляў.

Па словах Бесента, танкеры будуць працягваць рух праз Армузскі праліў нават да таго, як ЗША і іх саюзнікі пачнуць суправаджэнне гандлёвых суднаў.

Амерыканскія аналітыкі адзначаюць, што калі Іран можа свабодна экспартаваць сваю нафту, у яго ёсць матывацыя трымаць праліў адкрытым, бо затрыманне ягоных танкераў магло б справакаваць поўнае яго закрыццё і новыя атакі на судны.

Каментары да артыкула