Kala tysiačy šyickich pilihrymaŭ zahinuli ŭ ciskaninie ŭ paŭnočnym Bahdadzie.
Zdareńnie adbyłosia na moście praz raku Tyhr, kali miljon šyitaŭ rušyli da mahiły imama Musy Kazyma, kab uziać udzieł u štohadovym feście. Spačatku pa ludziach strelili ź minamiota — zahinuli 16 čałaviek. Ale sapraŭdnaja ciskanina pačałasia, kali miž ludziej pajšli čutki, što ŭ natoŭpie jość teraryst-kamikadze. Mnohich zataptali na moście, inšyja ŭpali ŭ raku i patanuli.
Trahiedyja na hetym nia skončyłasia. Kali ludzi dajšli da miačetu, znoŭ pačaŭsia minamiotny abstreł, zahinuli dziasiatki čałaviek.
Šyity žyvuć hetyja dni ŭ tryvožnym pradčuvańni pomsty ad sunickich ekstremistaŭ, raźjušanych tym, što šyickaja bolšaść krainy pačała brać vierch u dziaržavie, pieršym pradvieśnikam čaho stała pryniaćcie nievyhodnaha sunitam prajektu Kanstytucyi.
Kali ciskanina była admysłova splanavanaja — heta najvialikšy terakt u Iraku z pačatku vajny. Varažnieča pamiž musulmanami-šyitami i musulmanami-sunitami pa maštabach krovapralićcia pieraŭzychodzić navat musulmanska-chryścijanskaje procistajańnie i ciahniecca ŭžo amal paŭtary tysiačy hadoŭ. Pačałasia ž jana ŭ tym samym Iraku ŭ dalokim 661 h. Kryvavaja sierada ŭ Bahdadzie pakazała, što da kanca hetaha krovapralićcia jašče daloka.
▶
Najbujniejšyja terakty suprać šyitaŭ u Iraku
29 žniŭnia 2003 — aŭtamabil uzarvaŭsia kala miačetu šyitaŭ u Nadžafie, zabiŭšy 95 čałaviek, u tym liku ajatału Chakima.
2 sakavika 2004 — u vyniku vybuchaŭ u Bahdadzie i Kierbale zahinuŭ 181 čałaviek.
19 śniežnia 2004 — u vyniku vybuchu bomby padčas pachavańnia ŭ Nadžafie i na aŭtavakzale ŭ Kierbale zahinuli 60 čałaviek.
10 sakavika 2005 — u vyniku vybuchu bomby padčas šyickaha pachavańnia ŭ Masule zahinuli 47 čałaviek.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary