«Bilet na ciahnik» («Tickets»)
Italija—Vialikabrytanija—Iran, 2005, kalarovy, 115 chv.
Žanr: drama.
Karcina italjanskaha praletaryja Ermana Olmi, brytanskaha levaka Kiena Łoača i iranca Abasa Kijarastami składajecca z troch historyjaŭ, što adbyvajucca ŭ ciahniku pa darozie ŭ Rym.
Viadomy farmakolah sutykajecca z čužoj biadoj i ździajśniaje niečakany ŭčynak. Lehkadumny chłopiec, słuha isteryčnaje hieneralichi, sustrakajecca z adnaviaskoŭkaju, jakaja nahadvaje jamu pra pakinutuju kachanku. A šatlandzkija zaŭziatary stajać pierad vybaram — vydać palicyi emihrantaŭ ci samim trapić u niepryjemnaści.
▶
«Bunkier» («Der Untergang»)
Niamieččyna, 2004, kalarovy, 149 chv.
Žanr: vajskovaja drama.
Krasavik 1945-ha. Bunkier rajchskancylaryi. Ahonija Treciaha rajchu. Film pastaŭleny pavodle ŭspaminaŭ Traŭdl Junhie, apošniaj stenahrafistki fiurera. Hladač usio bačyć jaje vačyma.
Rolu Hitlera vykanaŭ vydatny aktor Bruna Hanc («Nieba nad Berlinam»), jaki dziela hetaha admysłova vyvučaŭ chvorych Parkinsona i, pavodle nazirańniaŭ krytykaŭ, stvaryŭ vobraz raźvinčanaha j šalonaha aŭtamata.
Oliver Chiršbihiel viadomy pa seryjale «Kamisar Reks», u filmie «Eksperyment» prademanstravaŭ zacikaŭlenaść ekstremalnymi sytuacyjami buntu j padparadkavańnia.
Premii kinaakademii Niamieččyny za najlepšuju mužčynskuju rolu j najlepšyja žanočyja roli druhoha planu.
▶
«Charysty»
Francyja—Švajcaryja—Niamieččyna, 2004, kalarovy, 96 chv.
Žanr: drama pavodle stužki Žana Drevila «Kletka dla sałaŭja».
Adznaka: 7 (z 10).
Nastaŭnik muzyki Klement Maćje (Žerar Žuno) traplaje ŭ internat dla ciažkich padletkaŭ. Dyrektar internatu — chałodny j čerstvy čałaviek. Klementa aburaje žorstkaść, i jon arhanizuje ź liku vučniaŭ chor.
Premija «Sezar» za najlepšuju muzyku j huk (kampazytar Bruna Kupe). Pryz Eŭrapiejskaj kinaakademii za najlepšuju muzyku. «Załaty hlobus» za najlepšy zamiežny film.
∎
Kamientary