"Trojca, Boh naš, siońnia nam nieraździelna javiŭsia: Ajciec jasnym hołasam zaśviedčyŭ ab Synie Svaim; Duch u vyhladzie hołuba zyšoŭ ź nieba; a Syn schiliŭ pačesnuju hałavu svaju pierad pradvieśnikam i vyzvaliŭ ludzki rod ź niavoli" (Vialikija Hadziny na naviačernicu Bohaźjaŭleńnia).
Siońnia biełaruskija kataliki vizantyjskaha abradu śviatkujuć Bohaźjaŭleńnie Zbaŭcy našaha Isusa Chrysta, viadomaje taksama jak Vadochryšča. Paśla Paschi Chrystovaj i Zychodu Śviatoha Ducha heta najdaŭniejšaje śviata liturhičnaha kalendara Uschodniaj Carkvy.
Bohaźjaŭleńnie na chryścijanskim Uschodzie pačali śviatkavać u kancy II ci na pačatku III stahodździa.U pieršyja stahodździ chryścijanstva jano ličyłasia zbornym, bo achoplivała šerah padziej z žyćcia Isusa Chrysta, jakija śviedčyli pra Jahonuju boskaść: Rastvo, pakłanieńnie mudracoŭ, Chrost u Jardanie, cud u Kanie Halilejskaj i cudoŭnaje pamnažeńnie chleba. Tolki ŭ kancy IV st., paśla pieranosu śviata Rastva Chrystovaha na 25 śniežnia, 6 studzienia stanovicca dla ŭschodnich chryścijan vyklučna dniom śviata Chrostu Haspodniaha.
Z chryścijanskaha Uschodu nie paźniej za IV st. śviata Bohaźjaŭleńnia pierachodzić na Zachad. Śviatyja Ajcy i prapaviedniki Zachodniaj Carkvy na Bohaźjaŭleńnie ŭsio bolšy nacisk robiać na pakłanieńni mudracoŭ. Z časam na Zachadzie 6 studzienia stanovicca śviatam Troch Karaloŭ, a pamiać Chrystovaha Chrostu pierachodzić na 13 studzienia.Niepasredna pierad śviatam, 5 studzienia, vierniki abaviazany trymać strohi post.Va Uschodniaj Carkvie śviata Bohaźjaŭleńnia naležyć da dvunadziasiatych.
Sa śviatam Bohaźjaŭleńnia ciesna paviazana Vialikaje, albo jardanskaje aśviačeńnie vady. Vialikaje aśviačeńnie adbyvajecca tolki dvojčy na hod — u naviačernicu i ŭ dzień śviata Bohaźjaŭleńnia. Hetaja tradycyja Uschodniaj Carkvy siahaje pieršych stahodździaŭ chryścijanstva. Z taho času Carkva ličyć aśviačanuju ŭ Vadochryšča vadu za vialikuju śviataść i śćviardžaje jejnuju cudadziejnuju siłu dla dušy i cieła.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?8
Kamientary