«100 vydatnych dziejačoŭ biełaruskaj kultury» — novaja sieryja knih

Instytut biełaruskaj historyi i kultury raspačaŭ novuju sieryju brašur: «100 vydatnych dziejačoŭ biełaruskaj kultury».

Pieršyja try vypuski sieryi pryśviečanyja mastaku Michaiłu Andryjoli (aŭtar Vitaŭt Čaropka), teatrału Fłaryjanu Ždanoviču (aŭtar Aleś Minski) i historyku Mitrafanu Doŭnar-Zapolskamu (aŭtar Anatol Taras).

«Naša Niva» źviarnułasia da zasnavalnika sieryi Anatola Tarasa, kab daviedacca, jak adbiralisia sto postaciaŭ i dzie možna budzie nabyć brašury.

Anatol Taras:

Heta zadumana jak šmathadovaja sieryja. Kali ŭ hod vypuskać pa dziesiać brašurak, tady atrymajecca dziesiać hod.

Naša asnoŭnaja zadača — znajomić moładź ź bijahrafijami słavutych biełarusaŭ. Sieryja nie palityčnaja, bo aceńvać postaci palitykaŭ ciažka, my zasiarodzili ŭvahu na kultury. Naprykład, kali infarmacyi pra Bahdanoviča ci Kupału šmat, to pra Zośku Vieras ja znajšoŭ tolki dva-try artykuły. My źbirajemsia likvidavać hety prabieł.

«Naša Niva»: Pa jakim krytery vy adbirali hierojaŭ sieryi?

AT: Heta subjektyŭny vybar, choć ja źviartaŭsia, viadoma ž, da inšych historykaŭ.

Zaraz stvorany śpis z 75 asobaŭ, my chočam źviarnucca da hramadstva — chaj ludzi paŭdzielničajuć u vybary hierojaŭ našych knih.

«NN»: Dzie možna nabyć knihi?

AT: Hetym zajmajecca vydaviectva «Charviest». Pakolki dziaržaŭnyja kniharni nie vielmi achvotna biaruć knihi pa historyi, to my budziem raspaŭsiudžvać brašury pa supiermarkietach — na stendach, jakija handlujuć knihami i časopisami. Kaniešnie, buduć brašury ŭ «Akademknizie», buduć u «Knižnym sałonie», na siadzibie BNF.

Nakład u kožnaj brašury — 1500 asobnikaŭ.

My adrazu vyrašyli, što knihi musiać być nievialikimi (u kožnaj 64 staronki), bahata ilustravanymi i niedarahimi. Kožnaja ź ich z nakrutkaj ad kramy musić kaštavać — samy maksimum 15 000 rubloŭ. Ja dumaju, pośpiecham jany buduć karystacca.

U sieryi buduć vychodzić knihi, pryśviečanyja dziejačam kultury XIX – XX ctahodździaŭ, jakija ŭvasablali nacyjanalnyja pohlady na historyju, mastactva, narodnuju i prafiesijnuju kulturu Biełarusi. Heta ludzi, jakija pracavali na Biełarusi ŭsio žyćcio abo značnuju častku žyćcia. Emihranty pradstaŭlenyja jak vyklučeńnie.

Prapanujem vašaj uvazie śpis z 75 dziejačoŭ biełaruskaj kultury, jakim buduć pryśviečany brašury. Kaho da śpisu dadali b Vy?

Azhur Zair, skulptar

Aleksandroŭskaja Łarysa, akciorka

Alchimovič Kazimir, mastak

Alachnovič Francišak, dramaturh, publicyst, akcior

Andryjoli Michał, mastak

Arsieńnieva Natalla, paetka

Bahdanovič Maksim, paet

Bahuševič Francišak, paet

Barščeŭski Jan, piśmieńnik

Bryl Janka, piśmieńnik

Bujła Kanstancyja, paetka

Bujnicki Ihnat, akcior i režysior

Bykaŭ Vasil, piśmieńnik

Białynicki-Birula Vitold, mastak

Vieras Zośka (Ludvika Sivickaja), paetka, batanik

Hałubok Uładzisłaŭ, akcior, režysior, dramaturh

Haraŭski Apalinar, mastak

Harecki Maksim, piśmieńnik

Hienijuš Łarysa, paetka

Hlebaŭ Jaŭhien, kampazitar

Doŭnar-Zapolski Mitrafan, historyk

Drazdovič Jazep, mastak, etnohraf

Duboŭka Uładzimir, paet

Dunin-Marcinkievič Vincent, dramaturh

Jelski Alaksandr, navukoviec, zasnavalnik muzieja

Jermałovič Mikoła, historyk

Ždanovič Fłaryjan, akcior i režysior

Kančeŭski Ihnat, fiłosaf

Karatkievič Uładzimir, paet i piśmieńnik

Karski Jaŭchim, movaznaŭca

Kastravicki Kazimir (Karuś Kahaniec), piśmieńnik, dramaturh, publicyst

Kirkor Adam, historyk

Kołas Jakub, paet i piśmieńnik

Kulik Jaŭhien, mastak

Kupała Janka, paet, publicyst

Łastoŭski Vacłaŭ, historyk, movaznaŭca, piśmieńnik

Maniuška Stanisłaŭ, kampazitar

Maŭr Janka, piśmieńnik

Mielež Ivan, piśmieńnik

Mickievič Adam, paet

Mulavin Uładzimir, śpiavak, kampazitar

Mialeška Michaił, historyk, etnohraf

Narbut Teador, historyk, archieołah

Narkievič-Jodka, navukoviec, vynachodnik

Nasovič Ivan, movaznaŭca

Nikifaroŭski Mikałaj, etnohraf

Orda Napaleon, mastak i muzyka

Pajeŭski Michaił (Mielchisiedek), śviatar

Panucevič Vacłaŭ, historyk

Paškievič Ełaiza (Ciotka), paetka

Piatkun Apalonija, manaška

Ramanaŭ Jeŭdakim, archieołah, krajaznaviec, falkłaryst

Sačanka Barys, piśmieńnik

Sierhijevič Piotra, mastak

Smolič Arkadź, hieohraf

Stankievič Adam, śviatar, litaratar

Stankievič Janka, movaznaŭca i historyk

Staniuta Stefanija, akciorka

Syrakomla Uładzisłaŭ (Kandratovič), paet

Sys Anatol, paet

Siadura Uładzimir, historyk, mastactvaznaŭca piśmieńnik

Taras Valancin, paet, pierakładčyk, piśmieńnik, publicyst

Tkačoŭ Michaś, historyk

Turaŭ Viktar, kinarežysior

Teraŭski Uładzimir, chormajstar, źbiralnik narodnych pieśniaŭ

Ułasaŭ Alaksandr, publicyst, zasnavalnik «Našaj Nivy»

Ułaščyk Mikoła, historyk

Ćvikievič Alaksandr, publicyst, historyk

Čačot Jan, etnohraf, historyk

Šukievič Vandalin, archieołah, antrapołah, krajaznaviec

Ščakacichin Mikałaj, mastactvaznaŭca

Šyrma Ryhor, chormajstar, źbiralnik narodnych pieśniaŭ

Šejn Paŭła, etnohraf

Epimach-Šypiła Branisłaŭ, falkłaryst, movaznaŭca

Jančuk Mikałaj, etnohraf

• 0
• 0
• 0
• 0
• 0
• 0
• 0
• 0