Prakuratura papiaredziła bresckuju aktyvistku AHP Alinu Litvinčuk
Joj zajavili pra niedapuščalnaść supracoŭnictva z Radyjo Racyja.
Bieraściejskaja abłasnaja prakuratura vyniesła papiaredžańnie za pracu na zamiežnaje ŚMI biez akredytacyi aktyvistcy AHP Alinie Litvinčuk.
Spadarynia była vyklikanaja ŭ prakuraturu, dzie joj uručyli papiaredžańnie: «Mianie papiaredzili pra niedapuščalnaść supracy z zamiežnymi srodkami masavaj infarmacyi biez akredytacyi.
Skazali, što vyjavili byccam by niejkija artykuły na „Radyjo Racyja“, jakija pisała ja.Adnak ja im skazała, što ni ź jakimi zamiežnymi ŚMI nie supracoŭničaju, i paprasiła pradjavić dokazy, što ja pisała dla sajtu „Radyjo Racyja“. Ale mnie pakazali tolki niejkija razdrukoŭki artykułaŭ ź internetu. Skazali, što była prakurorskaja pravierka, jakaja i paćvierdziła, što artykuły maje. Adnak z dakumentami taje pravierki mianie nijak nie aznajomili».
Dziaŭčyna kaža, što nia ličyć siabie ŭ niečym vinavataj i planuje abskardžvać papiaredžańnie:
«Ja dumaju, što takim čynam na mianie chočuć paŭździejničać, ci zapałochać mianie, za maju dziejnaść na pasadzie mižnarodnaha sakratara moładzievaj arhanizacyi AHP.Ja nia dumaju pakidać heta tak, abaviazkova budu abskardžvać papiaredžańnie. Bo zusim nie patłumačana, jakoje dačynieńnie majuć tyja publikacyi mienavita da mianie».
Alina Litvinčuk kaža, što planuje taksama napisać skarhu na supracoŭnikaŭ milicyi i prakuratury
Ciapier čytajuć
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki1
Kamientary