Udzielniki aŭtaprabiehu, ładžanaha ŭ honar Z. Daškieviča, praciahvajuć padarožža
Siońnia spaŭniajecca 26 hadoŭ lideru «Maładoha frontu» palitviaźniu Źmitru Daškieviču. Siońnia jaho planujuć pavinšavać la bramaŭ škłoŭskaj kalonii ŭdzielniki aŭtaprabiehu salidarnaści.
20 lipienia spaŭniajecca 26 hadoŭ lideru «Maładoha frontu» palitviaźniu Źmitru Daškieviču. Siońnia jaho planujuć pavinšavać la bramaŭ škłoŭskaj kalonii ŭdzielniki aŭtaprabiehu salidarnaści z aktyvistami niezarehistravanaha «Maładoha frontu». Niahledziačy na pieraškody z boku milicyi i KDB akcyja salidarnaści z maładafrontaŭcami praciahvajecca.
Učora milicyja zatrymała ŭdzielnikaŭ aŭtaprabiehu. Usie čatyry aŭtamabili, jakija ŭdzielničali ŭ prabiehu, byli spynienyja na Bieraściejskaj šašy niedaloka ad Miensku, a paźniej zatrymanyja ŭ milicyi Dziaržynsku. Niahledziačy na heta, akcyja salidarnaści pa maršrucie Baranavičy — Niaśviž — Salihorsk —Mahiloŭ — Škłoŭ praciahvajecca — jaje ŭdzielniki pieramiaščajucca inšymi transpartnymi srodkami.
14 udzielnikaŭ akcyi pajechali ciahnikom u Baranavičy, a kiroŭcy aŭtamabilaŭ i były palitviazień Pavał Sieviaryniec zastalisia ŭ Dziaržynsku.
Supracoŭniki miascovaj milicyi na niekalkich mašynach sačyli za kožnym z udzielnikaŭ aŭtaprabiehu ŭčora ŭviečary. Pavał Sieviaryniec zdoleŭ «adarvacca» ad ich, ale patrulnyja mašyny jechali za presavym sakratarom «Maładoha frontu» Barysam Hareckim i karespandentkaj Radyjo Svaboda. U vyniku jany byli vymušanyja jechać na vakzał na milicejskaj mašynie. Na stancyi «Kojdanava», bolšaść ludziej kala budynku vakzała byli supracoŭnikami milicyi ŭ cyvilnym
Udzielniki akcyi pryjechali ŭ Baranavičy ciahnikom, adtul, jak i planavałasia, jany vyjechali ŭ Salihorsk i a 5 hadzinie ranicy jašče znachodzilisia tam. Da ich dałučylisia jašče niekalki čałaviek.
Aktyvisty vyrašyli, što ŭ lubym vypadku akcyja zavieršycca mienavita ŭ Škłovie kala kalonii, dzie adbyvaje pakarańnie lider «Maładoha frontu» Źmicier Daškievič za ŭdzieł u niezarehistravanaj arhanizacyi.
Udzielniki aŭtaprabiehu pavinšujuć Źmitra syhnałami aŭtamabilaŭ. Jany buduć imknucca pieradać chłopcu tort i buduć patrabavać, kab kiraŭnictva kalonii dazvoliła jamu spatkańnie z baćkami.
Ciapier čytajuć
Adpačynak dla biasstrašnych i biespryncypovych: što ciapier z turami ź Biełarusi ŭ Krym?10
Kamientary