. Aptymizacyja struktur orhanaŭ prakuratury i Śledčaha kamiteta abmierkavana 18 studzienia na rabočaj sustrečy Alaksandra Łukašenki ź dziaržaŭnym sakratarom Rady Biaśpieki Leanidam Malcavym, kiraŭnikami Hienprakuratury i Śledčaha kamiteta Alaksandram Kaniukom i Valancinam Šajevym.
«My damaŭlalisia z vami, što ŭ pieršych čysłach hetaha hoda vierniemsia jašče raz da razhladu aptymizacyi struktur orhanaŭ prakuratury i stvarajemaha Śledčaha kamiteta, — adznačyŭ Łukašenka. — Vy abiacali, što siońnia dałožycie ab tym, jak my budziem aptymizavać, u tym liku orhany prakuratury, — jany nie pavinny zastacca ŭbaku. My razhladali abłasnyja centry, navat horad Minsk, dzie my možam abjadnać niekatoryja prakuratury».
Pavodle słoŭ Alaksandra Łukašenki, nieabchodnaść aptymizacyi ŭ tym liku źviazana sa źmianieńniem funkcyj prakuratury paśla stvareńnia Śledčaha kamiteta. Adnak i ŭ pracesie farmiravańnia hetaha novaha viedamstva vyśvietliłasia, što mahčyma admovicca ad niekatorych zališnich struktur. Kiraŭniku dziaržavy było dałožana ab tym, jak realizujucca hetyja pytańni.
«Adzinaje, ab čym papiaredžvaju, — ni ŭ jakim vypadku nie ciahnuć koŭdru na siabie, ni ŭ Hienieralnaj prakuratury, ni ŭ Śledčym kamitecie, — padkreśliŭ jon.— Treba zychodzić z taho, byccam by vy stvarajecie svajo asabistaje pradpryjemstva abo arhanizacyju, dzie nie pavinna być lišnich ludziej, i kab nie było trat dziaržaŭnych hrošaj. My pavinny znachodzicca ŭ rečyščy toj aptymizacyi, jakaja siońnia razhornuta pa dziaržaŭnych słužačych».
Pavodle słoŭ Alaksandra Kaniuka, pa šlachu abjadnańnia asobnych prakuratur płanujecca pajści ŭ Hrodnie, Breście, Mahilovie, Viciebsku, a taksama haradach abłasnoha padparadkavańnia, takich, naprykład, jak Połack, Orša i Pinsk. Asobna budzie vyrašana pytańnie z Homielem i Minskam.
Anałahičny pryncyp pry aptymizacyi budzie prymianiacca i da Śledčaha kamiteta.
Pierad Alaksandram Kaniukom i Valancinam Šajevym pastaŭlena zadača sumiesna realizavać hetyja płany na padstavie adzinaj kancepcyi.
Akramia taho, Alaksandr Łukašenka byŭ prainfarmavany ab kryminahiennaj situacyi ŭ Biełarusi. Značna źmienšyłasia kolkaść zabojstvaŭ, ciažkich cialesnych paškodžańniaŭ. Na čverć źniziłasia kolkaść razbojaŭ. U cełym statystyka śviedčyć ab źnižeńni pa vynikach hoda kolkaści zarehistravanych złačynstvaŭ bolš jak na 22%.
Ciapier čytajuć
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary