U Maskoŭskaj vobłaści vyzvaleny 30-hadovy hramadzianin Biełarusi, jakoha bolš za miesiac ŭtrymlivali ŭ zakładnikach, patrabujučy vykup 232 tysiačy jeŭra.
1 lutaha ŭ pravaachoŭnyja orhany pastupiła telefanavańnie ad mužčyny, jaki paviedamiŭ, što jaho niezakonna ŭtrymlivajuć u jakaści zakładnika ŭ adnym z damoŭ pa vulicy Kirava ŭ Padolsku. Śledča-apieratyŭnaja hrupa vyjechała pa hetym adrasie, dzie byŭ zatrymany niepracujučy hramadzianin Armienii, a biełarus vyzvaleny.
Śledčymi orhanami SK RF pa Maskoŭskaj vobłaści raspačata kryminalnaja sprava pa prykmietach złačynstvaŭ, praduhledžanych art. 163 (vymahalnictva) i art. 127 (niezakonnaje pazbaŭleńnie voli) Kryminalnaha kodeksa Rasii.
Pa viersii śledstva, z 27 śniežnia 2012 h. hrupa asob hvałtoŭna ŭtrymlivała biełarusa ŭ kvatery, patrabujučy pieradačy im 232 tysiač jeŭra. 1 lutaha 2013 h. zakładnik zdoleŭ patelefanavać u pravaachoŭnyja orhany, skarystaŭšysia niaŭvažlivaściu adnaho z vykradalnikaŭ.
Śledstva budzie chadajničać ab abrańni ŭ dačynieńni da zatrymanaha miery strymańnia ŭ vyhladzie źniavoleńnia. Śledstva viadzie vyšuk jaho saŭdzielnikaŭ i vyśviatleńnie ŭsich akaličnaściaŭ zdareńnia.
Vylecieła ŭ nieviadomym kirunku śpikierka KR Anžalika Mielnikava30
Kamientary