У Маскоўскай вобласці вызвалены 30-гадовы грамадзянін Беларусі, якога больш за месяц ўтрымлівалі ў закладніках, патрабуючы выкуп 232 тысячы еўра.
1 лютага ў праваахоўныя органы паступіла тэлефанаванне ад мужчыны, які паведаміў, што яго незаконна ўтрымліваюць у якасці закладніка ў адным з дамоў па вуліцы Кірава ў Падольску. Следча-аператыўная група выехала па гэтым адрасе, дзе быў затрыманы непрацуючы грамадзянін Арменіі, а беларус вызвалены.
Следчымі органамі СК РФ па Маскоўскай вобласці распачата крымінальная справа па прыкметах злачынстваў, прадугледжаных арт. 163 (вымагальніцтва) і арт. 127 (незаконнае пазбаўленне волі) Крымінальнага кодэкса Расіі.
Па версіі следства, з 27 снежня 2012 г. група асоб гвалтоўна ўтрымлівала беларуса ў кватэры, патрабуючы перадачы ім 232 тысяч еўра. 1 лютага 2013 г. закладнік здолеў патэлефанаваць у праваахоўныя органы, скарыстаўшыся няўважлівасцю аднаго з выкрадальнікаў.
Следства будзе хадайнічаць аб абранні ў дачыненні да затрыманага меры стрымання ў выглядзе зняволення. Следства вядзе вышук яго саўдзельнікаў і высвятленне ўсіх акалічнасцяў здарэння.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах1
Памерла палітзняволеная Алена Панкова. Паўгода назад яе асудзілі за ўдзел у пратэстах
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары