Na byłoha dyrektara KSUP «Plemptuškarepraduktar «Praŭda» zaviali kryminalnuju spravu
Prakuroram Minskaj vobłaści raspačata sprava ŭ dačynieńni da byłoha dyrektara KSUP «Plemptuškarepraduktar «Praŭda», deputata Haranskaha sielskaha savieta deputataŭ Minskaha rajona 26 sklikańnia pa prykmietach złačynstva, praduhledžanaha č. 3 art. 424 Kryminalnaha kodeksa (złoŭžyvańnie słužbovymi paŭnamoctvami).
Jak paviedamiŭ BiełaPAN načalnik adździeła prakuratury Minskaj vobłaści Alaksandr Bialicki, były dyrektar padazrajecca ŭ tym, što ŭ žniŭni 2011 hoda, dzjničajučy nasupierak intaresam słužby, złoŭžvajučy svaimi słužbovymi paŭnamoctvami z karyślivaj i asabistaj zacikaŭlenaści, imknučysia paźbiehnuć niesprialnych nastupstvaŭ pa pracy ŭ suviazi ź nievykanańniem daviedzienaha da pradpryjemstva zadańnia pa vytvorčaści zbožžavych i zierniebabovych kultur, a taksama imknučysia zaniać pieršaje miesca siarod sielhaspradpryjemstvaŭ u spabornictvie i atrymać naležnuju za heta premiju, daŭ ukazańnie hałoŭnamu ahranomu pradpryjemstva ŭnieści zaviedama niepraŭdzivyja źviestki ŭ aficyjnyja dakumienty ab zbory zbožža, a taksama daŭ ukazańnie padnačalenamu jamu bryhadziru karmaskładu ab uniasieńni zaviedama niepraŭdzivych źviestak ab pryniaćci i aprychodavańni na skład zbožža, jakoje było prypisana i faktyčna tudy nie pastupała.
U vyniku hetych dziejańniaŭ rabotnikami pradpryjemstva byli ŭniesieny zaviedama niepraŭdzivyja źviestki ŭ aficyjnyja dakumienty, jakija adlustroŭvajuć kolkaść sabranaha zbožža, a mienavita było prypisana 1.160 ton zbožža. U vyniku złoŭžyvańnia dyrektaram svaimi słužbovymi paŭnamoctvami pry składańni zaviedama niepraŭdzivych dakumientaŭ była zališnie naličana i vypłačana zarabotnaja płata vadzicielam i miechanizataram, apierataram sušylnych kompleksaŭ, vypłačany abaviazkovyja strachavyja ŭznosy ŭ fond sacyjalnaj abarony nasielnictva, vypłačany padachodny padatak i śpisany
Kryminalnaja sprava nakiravana dla vytvorčaści papiaredniaha rasśledavańnia va ŭpraŭleńnie Śledčaha kamiteta pa Minskaj vobłaści.
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary