Viadomy litoŭski palityk, były lidar Narodnaj partyi, Kazimira Prunskienie adznačaje 26 lutaha 70-hodździe. Jana sustrakaje jaho ŭ Maskvie, dzie prachodzić lačeńnie ŭ Navukovym centry nieŭrałohii.
Hod tamu, akurat u dzień narodzinaŭ, z Prunskienie zdaryŭsia insult.
U Centry ź joj ciapier pracujuć roznyja śpiecyjalisty, dziakujučy namahańniam jakich jana ŭžo moža pieraadoleć peŭnuju dystancyju biez starońniaj dapamohi. Maŭlenčyja navyki adnaŭlajucca
Lačeńnie ŭ Maskvie daje vidavočnyja vyniki jak u płanie ruchu, tak i adnaŭleńnia maŭleńnia, paviedamlaje Delfi.
***
Kazimira Prunskienie (pry naradžeńni Stankievičute) źjaŭlajecca padpisantam Akta ab niezaležnaści Litvy 11 sakavika 1990 h., była pieršym premjer-ministram niezaležnaj Litvy.
U 1988 h. sp. Prunskienie abasnavała metazhodnaść ekanamičnaj niezaležnaści Litvy ad SSSR.
Pasadu premjer-ministra zajmała z sakavika 1990 pa studzień 1991 hoda, adnak jaje dziejnaść palityki aceńvajuć nieadnaznačna.
Prunskienie ŭznačalvała Litoŭskuju narodnuju partyju, raniej była staršynioj Sajuza sialan-narodnikaŭ, da hetaha -- siabram partyi Novaj demakratyi i Žanočaj partyi.
Na praciahu ŭsioj palityčnaj karjery K.Prunskienie adčuvała cień abvinavačvańnia ŭ supracoŭnictvie z KDB, adnak palityk zaŭsiody admaŭlała suviazi z savieckimi śpiecsłužbami,
Hałoŭny administracyjny sud Litvy pryniaŭ kančatkovaje rašeńnie pa hetaj spravie, adkinuŭšy zakidy da K.Prunskienie.
Źjaviłasia dypfejkavaja videazajava Cichanoŭskaj, što jana idzie ŭ adstaŭku. Rychtavalisia davoli staranna16
Kamientary