U aŭtorak śledčy Alaksiejeŭ praviadzie dopyt aktyvistki ź Niaśvižu.
U aŭtorak śledčy Mienskaj abłasnoj prakuratury Vitold Alaksiejeŭ praviadzie dopyt liderki Niaśviskaha Maładoha Frontu. Nastaśsia Azarka budzie dapytanaja ŭ jakaści padazravanaj pa kryminalnaj spravie za ŭdzieł u niezarehistravanym Maładym Froncie.
— Farmalna u śledčych orhanaŭ niama nijakich padstavaŭ vinavacić mianie ŭ dziejnaści ad imia niezarehistravanaha Maładoha Frontu, bo 193 artykuł Kryminalnaha kodeksu sam vyzvalaje ad adkaznaści siabroŭ arhanizacyjaŭ, jakija dziejničajuć z metaj rehistracyi, — kaža Nasta. — Małady Front znachodzicca na stadyi rehistracyi, nieŭzabavie Mienski haradzki sud budzie razhladać zysk kiraŭnictva ruchu suprać Upraŭleńnia justycyi za nieabhruntavanuju admovu, tamu naša dziejnaść źjaŭlajecca absalutna zakonnaj na ŭsie 100 adsotkaŭ.
Kamientary