Paźniak pra ŭčynak Statkieviča: Papulizm dziela stvareńnia vobrazu idejnaj pazicyi
Vieteran biełaruskaha ruchu Zianon Paźniak źviarnuŭ uvahu na ŭčynak Mikoły Statkieviča, jaki admoviŭsia ad departacyi ź Biełarusi ŭ składzie vyzvalenych z dapamohaju amierykancaŭ 52 palitviaźniaŭ. Jon nazvaŭ dziejańni Statkieviča papulizmam i «admovaju ad palityčnaj baraćby na svabodzie dziela stvareńnia vobrazu idejnaj pazicyi ŭ niavoli».
«Apošnim časam (11-09-2025) režym departavaŭ ź Biełarusi 51‑ho palityčnaha viaźnia. Adzin palitviazień (Mikoła Statkievič) admoviŭsia ad departacyi i viarnuŭsia ŭ turmu.
Z hledzišča realnaj palityki heta aceńvajecca jak papulizm, admova ad palityčnaj baraćby na svabodzie dziela stvareńnia vobrazu idejnaj pazicyi ŭ niavoli», — piša Paźniak.
Jon dadaje, što tut jeść znakavy momant — «pratest suprać prymusovaj departacyi, jakaja źjaŭlajecca, faktyčna, pazbaŭleńniem Baćkaŭščyny, majomaści i hramadzianskich pravoŭ».
Paźniak piša, što «precedent sa Statkievičam moh by dazvolić amierykanskaj dypłamatyi stavić pytańnie ab mahčymaści vybaru dla kožnaha vyzvalenaha viaźnia. Prymusovaj departacyi možna paźbiehnuć», — miarkuje jon.
«Mušu adznačyć, što situacyja sa Statkievičam abciažarana jaho admoŭnym palityčnym bahažom i admoŭnaj palityčnaj acenkaj u biełaruskim nacyjanalna-demakratyčnym ruchu (pačynajučy z 1990‑ch hadoŭ). Ciapierašnija jahonyja pavodziny, kali b jany pasłužyli arhumientam dla admieny departacyi, palepšyli b palityčny imidž jaho asoby.
Adnak realna patrebny budzie abaviazkovy hrupavy pratest (chacia b častkovy) pry nastupnaj departacyi palitviaźniaŭ. U biełarusaŭ, vyzvalenych z turmy, jość mahčymaść nie pahadžacca z departacyjaj (asabliva tym, jakim da kanca terminu zastałosia dva-try miesiacy). Heta važny arhumient dla amierykanskaj dypłamatyi i dla pieramieny stanovišča», — piša Paźniak.
Saša Filipienka: Statkievič — hłyba, ale ŭ Biełarusi ŭžo dastatkova Mandełaŭ na kvadratny mietr
«Mikołu Statkieviča škada jak čałavieka, ale nie jak bykaŭskaha hieroja»
Maryna Adamovič raskazała pra svaju razmovu sa Statkievičam na miažy
Što raskazvaŭ Statkievič susiedziam u noč pierad vyjezdam na miažu
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy
Žonka Statkieviča raskazała, pra što paśpieła parazmaŭlać ź im
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary
[Zredahavana]