U subotu, 27 vieraśnia, u Varšavie projdzie oŭpen-ejr dla palitviaźniaŭ i ich siabroŭ #67VolnyDzień.
Na feście vystupiać muzyki: Siarhiej Bašłykievič (Leibonik), Jury Stylski (Daj Darohu!), Aleś Dzianisaŭ, Uładź Biernat (Dzieciuki), Ula Paŭłovič (Atesta), Aleś Jaščanka, Siaržuk Čarniak. Śpiecyjalny hość — polski bend Szupaki. Taksama na scenu vyjduć palitviaźni Anatol Chinievič i Siarhiej Daliviela.
Viadučyja imprezy — muzyčnaja žurnalistka Maryna Savickaja i akcior, volny kupałaviec Ihar Sihoŭ, piša Budzma.
Akramia taho, haściej imprezy čakajuć pačastunki: viehanskija stravy, płoŭ, šašłyk i, viadoma ž, lehiendarnyja draniki ad Biełaruskaj asacyjacyi palitviaźniaŭ «Da Voli!».
Uvachod na imprezu volny. Ale vitajecca danat ad 50 złotych na dapamohu palitviaźniam. Usie srodki pojduć na prajekty ab‘iadnańnia «Da Voli!» — hałoŭnaha arhanizatara iventu.
Partniory padziei — Muziej Volnaj Biełarusi, Češski filijał Ofisa Śviatłany Cichanoŭskaj, Pradstaŭnictva Abjadnanaha Pierachodnaha Kabinietu pa nacyjanalnym adradžeńni, Asacyacyja «Razam.ch».
Dzie i kali?
Data: 27 vieraśnia 2025 h.
Čas: pačatak a 16:00
Miesca: Varšava, bierah Visły
Kamientary