Pamiatajecie biazdomnuju žančynu, jakoj błohier-padletak kupiŭ kvateru? Zdajecca, u hetaj historyi nie budzie chepi-endu
Błohier sustreŭ biazdomnuju Viktoryju vypiŭšuju i ź finhałam pad vokam, jaki pastaviŭ joj sabutelnik.
Biazdomnaja žančyna Viktoryja — adna z hierojaŭ rolikaŭ homielskaha błohiera Anatola Rubakha Go. Kali toj vyjhraŭ na adnym z konkursaŭ aŭtamabil, to nabyŭ kvateru dla žančyny.
Videa ź Viktoryjaj Anatol zdymaje bolš za hod. Za hety čas jaje žyćcio źmianiłasia ŭ dobry bok, kazała raniej žančyna. Ale, padobna, nienadoŭha.
U novym videa, jakoje zapisaŭ błohier, jon sustreŭ Viktoryju vypiŭšuju i ź finhałam pad vokam, jaki pastaviŭ joj sabutelnik. Anatol kaža, što Viktoryja pje ŭžo try dni. Chłopiec narakaje, što paśla taho, jak padoranuju kvateru aformili na žančynu, jana stała vieści siabie inakš.
Viktoryja raniej raskazała, što joj 55 hadoŭ. Skončyła 8 kłasaŭ, pajšła vučycca ŭ PTV na apieratara stankoŭ ź ličbavym prahramnym kiravańniem. Zatym pracavała pamočnicaj vychavaciela ŭ dziciačym sadku, lifcioram u balnicy.
«Ja była zamužam. Ciapier raźviedzienaja. Dzieci jość. Dvoje. Dziaŭčynka i chłopčyk». Ź dziećmi jana nie maje stasunkaŭ z 2007 hoda.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary