Boha handlu Mierkuryja la «Biełekspa» zamianili na kałasalny fłahštok. Budzie Płošča dziaržaŭnaha ściaha
Minsk i Biełaruś stracili svaju adzinuju statuju staražytnarymskahaboha-apiekuna handlu Mierkuryja.
Statuju, a razam ź joju i kałonu z hadzińnikam la vystavačnaha kompleksa «Biełekspa» pa adrasie praśpiekt Pieramožcaŭ, 14, demantavali.
«Źmianiŭsia status abjekta. Prajektam rekanstrukcyi «Biełekspa» praduhledžana pieraŭtvareńnie hetaj placoŭki ŭ Płošču dziaržaŭnaha ściaha RB», — raskazała «Našaj Nivie» Hanna Aksionava, hałoŭnaja architektarka prajekta «Rekanstrukcyja nacyjanalnaha vystavačnaha centra «Biełekspa». Płošča dziaržaŭnaha ściaha RB».
Sa słovaŭ Aksionavaj, Mierkuryj vyzvaliŭ miesca dla fłahštoka, na jakim budzie ŭstalavany vialiki dziaržaŭny ściah. Ciapier na budučaj Płoščy dziaržaŭnaha ściaha skančajucca pracy pa mantažy vialičeznaha biełaha fłahštoka. Kanstrukcyja nahadvaje anałahičnuju ŭ Ašhabacie epochi Turkmienbašy.
Kompleks Vystavy dasiahnieńniaŭ narodnaj haspadarki byŭ pabudavany na byłym praśpiekcie Mašerava ŭ 1988 hodzie, a z nabyćciom Biełaruśsiu niezaležnaści staŭ Nacyjanalnym vystavačnym kompleksam «Biełekspa».
Ciapier budynak rekanstrujujuć, i chutka jon stanie Domam pryjomaŭ, častkaj bolšaha administracyjnaha kompleksa, jaki ŭ narodzie nazyvajuć novaj rezidencyjaj Łukašenki.
Kandydat u prezidenty ad kamunistaŭ zaklikaje zabrać i padzialić majomaść apazicyjanieraŭ11
Kamientary